કરણ જોહર હાથ જોડીને તેમને શૉમાં આવવા માટે મનાવી રહ્યો છે. પોતાની મિત્રતાના સમ આપી રહ્યો છે તો જૂની મહેરબાનીઓ પણ ગણાવી તેમ છતાં કરણ જોહરને તેમના તરફથી ના સાંભળવા મળી રહી છે
કરણ જોહર (તસવીર સૌજન્ય મિડ-ડે)
Koffee With Karan 7 New Promo: કૉફી વિદ કરણ સીઝન 7 ઘણો વખતથી ચર્ચામાં છે. આ શૉની દર્શકો આતુરતાથી રાહ જોઈ રહ્યા છે. તાજેતરમાં કરણ જોહરે (Karan Johar)આની જાહેરાત પણ કરી દીધી છે. પણ શું ખરેખર આ શૉમાં આવવા માટે કોઈપણ સ્ટાર તૈયાર નથી. કરણ જોહર હાથ જોડીને તેમને શૉમાં આવવા માટે મનાવી રહ્યો છે. પોતાની મિત્રતાના સમ આપી રહ્યો છે તો જૂની મહેરબાનીઓ પણ ગણાવી તેમ છતાં કરણ જોહરને તેમના તરફથી ના સાંભળવા મળી રહી છે. તમને પણ વિશ્વાસ નથી થઈ રહ્યો ને? હકિકતે કરણ જોહરે તાજેતરમાં જ પોતાનો એક વીડિયો શૅર કરી જણાવ્યું છે.
કરણ જોહરે શૅર કર્યો રસપ્રદ વીડિયો
ફિલ્મમેકર કરણ જોહરે ફરી એકવાર રસપ્રદ વીડિયો શૅર કરી જણાવ્યું છે કે તે ટીવી જગતનો પણ રાજા છે. કૉફી વિદ કરણ 7 (Kofee with Karan 7)ને પ્રમોટ કરવાનો આ અંદાજ લોકોને ખૂબ જ પસંદ આવી રહ્યો છે. આ વીડિયોમાં કરણ પોતાના અને પોતાના ચેટ શૉના ખૂબ જ વખાણ કરતો દેખાય છે અને કહે છે કે બધાં તેના શૉમાં આવવા માટે આતુર છે પણ પછી બીજી જ ક્ષણે તે ફોન પર સેલેબ્સને મનાવતો જોવા મળે છે તેમને રિક્વેસ્ટ કરતો દેખાય છે અને તેમ છતાં તેને ના જ સાંભળવા મળે છે.
ADVERTISEMENT
View this post on Instagram
જો કે, આ તો મસ્તી મોડમાં બનાવવામાં આવેલો વીડિયો છે પણ એ વાત સાચ્ચી છે કે કેટલાક સ્ટાર્સને આ શૉ બિલકુલ પસંદ નથી તો કેટલાક સેલેબ્સ એવા પણ છે જે આમાં ડેબ્યૂ અને દર વર્ષે આ શૉમાં દેખાવા માટે આતુરતાથી રાહ જોતા હોય છે. આ વખતે કોણ-કોણ આ શૉમાં ગેસ્ટ તરીકે આવશે આને લઈને અટકળો લગાડવામાં આવી રહી છે. આ વખતે કૉફી વિદ કરણ 7માં વિજય દેવરકોંડા, અનન્યા પાંડે, રશ્મિકા મંદાના, અલ્લૂ અર્જુન, સિદ્ધાર્થ મલ્હોત્રા અને કિયારા અડવાણી સાથે જોવા મળી શકે છે. તો આલિયા અને રણબીર કપૂર પણ આ શૉમાં આવવાના સમાચાર છે.