તે લંડનમાં સારા અલી ખાન સાથે જમવા માટે વિવિધ રેસ્ટોરાંમાં જઈ રહ્યો હતો
તસવીર સૌજન્ય : સોશ્યલ મીડિયા
કરણ જોહર ‘નામ હી કાફી હૈ’, પરંતુ આ નામ કરણને લંડનમાં કામમાં ન આવ્યું. તે લંડનમાં સારા અલી ખાન સાથે જમવા માટે વિવિધ રેસ્ટોરાંમાં જઈ રહ્યો હતો. જોકે તેમને અંદર એન્ટ્રી ન મળી. એક રેસ્ટોરાંમાં જઈને તેણે પૂછ્યું કે ‘શું આલિયા ભટ્ટના નામે કોઈ ટેબલ બુક છે?’ તો સ્ટાફે ચોખ્ખી ના પાડી દીધી હતી. સાથે જ તેણે વાતને ફેરવતાં એમ પણ પૂછ્યું કે ‘શું ચાર લોકોના નામે ટેબલ રિઝર્વ કરવામાં આવ્યું છે?’ તો એની પણ સ્ટાફ ના પાડે છે. એનો વિડિયો સોશ્યલ મીડિયામાં ફરી રહ્યો છે. આ વિડિયોમાં બૅકગ્રાઉન્ડમાં સારાનો અવાજ પણ સંભળાય છે અને જ્યારે રેસ્ટોરાંમાં તેને એન્ટ્રી નથી મળતી તો તે ખડખડાટ હસી રહી છે. ખરેખર આવા સમયે તેમને ખૂબ શરમ મહેસૂસ થઈ હશે.