૧૯૭૫માં લાગેલી ઇમર્જન્સી સંબંધી ન્યુઝ ઇન્સ્ટાસ્ટોરી પર શૅર કરતાં કંગનાએ ભૂતપૂર્વ વડાં પ્રધાન ઇન્દિરા ગાંધીની પ્રશંસા કરી છે.
કંગના રનૌત
૧૯૭૫માં લાગેલી ઇમર્જન્સી સંબંધી ન્યુઝ ઇન્સ્ટાસ્ટોરી પર શૅર કરતાં કંગનાએ ભૂતપૂર્વ વડાં પ્રધાન ઇન્દિરા ગાંધીની પ્રશંસા કરી છે. કંગના ‘ઇમર્જન્સી’ ફિલ્મમાં ઇન્દિરા ગાંધીના રોલમાં જોવા મળશે. આ ફિલ્મમાં ૧૯૭૫માં લાગેલી ઇમર્જન્સી પર પ્રકાશ પાડવામાં આવશે. ૧૯૭૫ની પચીસમી જૂને દેશમાં ઇમર્જન્સી લાગુ કરવામાં આવી હતી. આજે મહારાષ્ટ્રના રાજકારણમાં ભૂકંપ આવ્યો છે. એ સ્થિતિ પર કટાક્ષ કરતાં ૧૯૭૫માં લાગેલી ઇમર્જન્સીના સમાચારની એક ક્લિપ ઇન્સ્ટાસ્ટોરી પર શૅર કરીને કંગનાએ કૅપ્શન આપી હતી, ‘હાલમાં જે ઘટનાઓ ઘટી છે એ હાંસીને પાત્ર છે. આજના દિવસે એ વખતે જ્યારે ઇમર્જન્સી જાહેર કરવામાં આવી હતી ત્યારે એનાં પરિણામ શું આવ્યાં હતાં. એ વખતે કેન્દ્રમાં વિશ્વની સૌથી શક્તિશાળી મહિલા હતી. આ ફિલ્મ પોતાનામાં જ ભવ્ય રીતે બનાવવાને યોગ્ય છે. આવતા વર્ષે ‘ઇમર્જન્સી’ને લઈને થિયેટર્સમાં મળીશું.’
