° °

આજનું ઇ-પેપર
Sunday, 11 April, 2021

કજરા રે માટે અવાજ આપવા મેં કિશોરકુમારનાં ઘણાં ગીતો સાંભળ્યાં હતાં

06 March, 2021 03:37 PM IST | Mumbai | Gujarati Mid-day Correspondent

કજરા રે માટે અવાજ આપવા મેં કિશોરકુમારનાં ઘણાં ગીતો સાંભળ્યાં હતાં

જાવેદ અલી

જાવેદ અલી

‘ઇન્ડિયન પ્રો મ્યુઝિક લીગ’ના શોમાં સિંગર જાવેદ અલીએ જણાવ્યું હતું કે ‘બંટી ઔર બબલી’નું ‘કજરા રે’ ગીત ગાવા પહેલાં તેણે કિશોરકુમારનાં ઘણાં ગીતો સાંભળ્યાં હતાં. ૨૬ ફેબ્રુઆરીએ આ રિયલિટી શો ઝી ટીવી પર શરૂ થયો છે. આવનારા એપિસોડમાં ગુજરાત રૉકર્સ અને મુંબઈ વૉરિયર્સ વચ્ચે ઘમસાણ થવાનું છે. ગુજરાત રૉકર્સના કૅપ્ટન જાવેદ અલીએ ‘કજરા રે’ ગીત ગાઈને લોકોને ખૂબ નચાવ્યા હતા. આ ગીતની સાથે જોડાયેલી ઇન્ટરેસ્ટિંગ બાબત વિશે જાવેદ અલીએ કહ્યું હતું કે ‘એ સમયમાં હું ગીતોના ડેમો રેકૉર્ડ કરતો હતો. એક દિવસ મને શંકર મહાદેવનનો કૉલ આવ્યો હતો અને મને રેકૉર્ડિંગ કરવા બોલાવ્યો હતો. જોકે મને જ્યારે જાણ થઈ કે આ ગીત અમિતાભ બચ્ચન પર પિક્ચરાઇઝ થવાનું છે તો મને તો એ વાતની પૂરી ખાતરી હતી કે હું એ માટે સિલેક્ટ નહીં થાઉં, કારણ કે મારો અવાજ તેમની સાથે મૅચ નહીં થાય. જોકે કહેવાય છે કે જો તમે મહેનત કરો તો એનું ફળ તમને અચૂક મળે છે, ખરુંને? મેં પણ ખૂબ મહેનત કરી. અમિતાભ બચ્ચન માટે કિશોરકુમારે ગાયેલાં કેટલાંક ગીતોને મેં સાંભળવાનું શરૂ કર્યું. મેં ભરપૂર પ્રૅક્ટિસ કરી અને આવી રીતે મને ‘કજરા રે’ ગીત મળી ગયું હતું. હું જાણતો હતો કે હું તો માત્ર ડેમો જ રેકૉર્ડ કરું છું અને મેકર્સે એને અપ્રૂવ કરવાનો હોય છે. થોડા દિવસો બાદ હું જ્યારે શંકર-એહસાન-લૉય સાથે શોમાં પર્ફોર્મ કરતો હતો તો એહસાને મારી પાસે આવીને જણાવ્યું કે એ ગીત ખૂબ જ સરસ છે. આદિત્ય ચોપડા સરની ઇચ્છા છે કે એ ગીત હું રેકૉર્ડ કરું. શો પૂરો થયા બાદ તરત જ અમે સ્ટુડિયો પહોંચ્યા. ગીત રેકૉર્ડ કર્યું અને વિશ્વાસ કરો, એ ગીત મેં માત્ર ૨૦ મિનિટની અંદર જ રેકૉર્ડ કર્યું હતું.’

06 March, 2021 03:37 PM IST | Mumbai | Gujarati Mid-day Correspondent

અન્ય લેખો

બૉલિવૂડ સમાચાર

આયુષ્માન સાથે ‘ડૉક્ટર G’માં દેખાશે શેફાલી શાહ

પહેલી વખત આ ત્રણેય એકસાથે ફિલ્મમાં દેખાશે. અનુરાગ કશ્યપની બહેન અનુભૂતિ કશ્યપ આ ફિલ્મને ડિરેક્ટ કરશે.

10 April, 2021 03:51 IST | Mumbai | Gujarati Mid-day Correspondent
બૉલિવૂડ સમાચાર

કોવિડ નેગેટિવ આવ્યા બાદ પાંચ કિલોમીટરની દોડ લગાવી મિલિંદ સોમણે

હેલ્થનો અર્થ એ નથી કે તમે બીમારીથી મુક્ત છો અને ફિટનેસનો અર્થ એ નથી કે તમારી પાસે સિક્સ-પૅક ઍબ્સ અને બાઇસેપ્સ હોય. તમારું દિમાગ શાંત રાખો અને શરીરને હંમેશાં સક્રિય રાખો.

10 April, 2021 03:04 IST | Mumbai | Gujarati Mid-day Correspondent
બૉલિવૂડ સમાચાર

બ્રિટીશ ઍકૅડેમી ફિલ્મ અવૉર્ડ્સને પ્રેઝન્ટ કરશે પ્રિયંકા

પોતાને મળેલી આ તકનો આભાર માનતાં ઇન્સ્ટાસ્ટોરી પર પોતાનો ફોટો શૅર કરીને પ્રિયંકાએ લખ્યું હતું કે ‘આ રવિવારે EE BAFTAને પ્રેઝન્ટ કરવાને લઈને ખૂબ જ સન્માનનીય અને ઉત્સાહિત છું

10 April, 2021 09:05 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK