જૅકલિન ફર્નાન્ડિસે હાલમાં જ દિલ્હી કોર્ટના દરવાજા ખખડાવ્યા છે. કોનમૅન સુકેશ ચંદ્રશેખરના કેસમાં એન્ફોર્સમેન્ટ ડિરેક્ટરેટે જૅકલિનનું નામ પણ તેની સાથેના કનેક્શનમાં આપ્યું હતું.
જૅકલિન ફર્નાન્ડિસ
જૅકલિન ફર્નાન્ડિસે હાલમાં જ દિલ્હી કોર્ટના દરવાજા ખખડાવ્યા છે. કોનમૅન સુકેશ ચંદ્રશેખરના કેસમાં એન્ફોર્સમેન્ટ ડિરેક્ટરેટે જૅકલિનનું નામ પણ તેની સાથેના કનેક્શનમાં આપ્યું હતું. ત્યારથી જૅકલિન એન્ફોર્સમેન્ટ ડિરેક્ટરેટના રડારમાં છે. જૅકલિને ઇન્ટરનૅશનલ ઇન્ડિયન ફિલ્મ ફેસ્ટિવલ ઍકૅડેમી અવૉર્ડ્સમાં અબુ ધાબી હાજરી આપવા માટે તેમ જ ફ્રાન્સ અને નેપાલ જવા માટે પણ પરવાનગી માગી છે. તેની આ મૅટરને ૧૮ મેએ કોર્ટમાં સાંભળવામાં આવશે. સુકેશે જૅકલિનને સાત કરોડ રૂપિયાની અલગ-અલગ ગિફ્ટ આપી હતી. આ પ્રકારની ગિફ્ટ સ્વીકારવી ક્રાઇમ છે. આ કેસમાં જ્યારથી જૅકલિનનું નામ આવ્યું ત્યારથી તે વિવિધ ફિલ્મોને ઠુકરાવી રહી છે. તે જાહેરમાં વધુ આવવાનું પણ ટાળી રહી છે. આ કેસમાં નામ આવ્યું હોવાથી તે ભારતની બહાર જઈ શકે એમ નથી. જો તેને જવું હોય તો તેણે એ માટે કોર્ટ પાસે પરવાનગી લેવી પડે છે અને એથી જ તે દિલ્હી કોર્ટમાં ગઈ છે.