ભાષાને લઈને ચાલી રહેલા વિવાદ પર તેણે આવું કહ્યું
રણવીર સિંહ
દેશમાં ભાષાને લઈને ચાલી રહેલા વિવાદને જોતાં રણવીર સિંહે જણાવ્યું કે આ બધું જ આપણું છે. ભારતીય સિનેમા પણ એક જ છે. ભાષાના વિવાદમાં અનેક સેલિબ્રિટીઝે પોતાનાં મંતવ્યો રજૂ કર્યાં છે. એ વિશે હવે પોતાના વિચાર વ્યક્ત કરતાં રણવીર સિંહે કહ્યું કે ‘મને તેલુગુ નથી આવડતી તો પણ મેં ‘પુષ્પા : ધ રાઇઝ પાર્ટ 1’ જોઈ. ‘RRR’ પણ મેં જોઈ. જોકે હું એ ફિલ્મો અને એની કળાથી ખૂબ પ્રભાવિત થયો છું. આ ફિલ્મોમાં જે અદ્ભુત કળા દેખાડવામાં આવી છે એની હું પ્રશંસા કરું છું અને મને એ વાતનો ગર્વ છે કે કેટલી સુંદરતાથી એને ફિલ્મમાં સાકાર કરવામાં આવી છે અને દરેક પ્રકારના દર્શકોએ એનો સ્વીકાર કર્યો છે. આ બાબત મને ખૂબ ગર્વ પમાડે છે કેમ કે મેં આવી ફિલ્મો કદી જોઈ નથી. યે તો સબ અપના હી હૈ, યાર. ઇન્ડિયન સિનેમા એક હૈ.’