° °

આજનું ઇ-પેપર
Wednesday, 29 June, 2022


જો હું ઍક્ટર ન બન્યો હોત તો ખેડૂત બન્યો હોત : પંકજ ત્રિપાઠી

24 June, 2022 01:51 PM IST | Mumbai
Gujarati Mid-day Correspondent | feedbackgmd@mid-day.com

‘ગૅન્ગ્સ ઑફ વાસેપુર’માં તેણે ભજવેલું પાત્ર સૌના ધ્યાનમાં આવ્યું હતું

પંકજ ત્રિપાઠી

પંકજ ત્રિપાઠી

પંકજ ત્રિપાઠીનું કહેવું છે કે જો તે ઍક્ટર ન બન્યો હોત તો તે ખેડૂત બન્યો હોત, કેમ કે ખેતી કરવી એ જ તેમના પરિવારનું કામ છે. ‘રન’માં નાનકડી ભૂમિકા ભજવ્યા બાદ ૨૦૧૨માં આવેલી ‘ગૅન્ગ્સ ઑફ વાસેપુર’માં તેણે ભજવેલું પાત્ર સૌના ધ્યાનમાં આવ્યું હતું. ત્યાર બાદ તો તેણે અનેક ફિલ્મો અને વેબ-સિરીઝમાં કામ કર્યું છે. તેને પૂછવામાં આવ્યું હતું કે જો તે ઍક્ટર ન બન્યો હોત તો શું બનત? એનો જવાબ આપતાં પંકજ ​ત્રિપાઠીએ કહ્યું કે ‘ખેડૂત. મારા પિતા ખેડૂત હતા અને આ જ અમારું પેઢીઓથી ચાલ્યું આવતું કામ છે. હું પણ કદાચ ખેતી જ કરતો હોત. અથવા તો હું પૉલિટિક્સનો વિદ્યાર્થી હોવાથી કદાચ રાજકારણમાં ગયો હોત.’

તેની આ જર્ની વિશે પંકજ ત્રિપાઠીએ કહ્યું કે ‘ઍક્ટિંગની મારી આ જર્નીની સ્ટોરી ખૂબ લાંબી છે. પાંચથી છ નોકરીમાં હું નિષ્ફળ રહ્યો હતો અને આવી રીતે હું સિનેમામાં આવ્યો હતો. આજે હું જ્યાં છું ત્યાં સુધી પહોંચવા માટે મને દોઢથી બે દાયકાનો સમય લાગ્યો છે.’

જે ભાષામાં કમ્ફર્ટેબલ ન હોય એ પ્રોજેક્ટમાં કામ કરવું નથી પસંદ પંકજ ત્રિપાઠીને

પંકજ ત્રિપાઠી જો કોઈ ભાષામાં કમ્ફર્ટેબલ ન હોય તો તે એ પ્રોજેક્ટમાં કામ કરવાનું પસંદ નથી કરતો. તેનું એમ પણ કહેવું છે કે કોઈ અન્ય ઍક્ટર તેના અવાજનું ડબિંગ કરે એ પણ નથી ગમતું. પંકજ ત્રિપાઠીએ ‘સ્ત્રી’, ‘લુડો’ અને વેબ-સિરીઝ ‘મિર્ઝાપુર’માં કામ કર્યું હતું. તેની સત્ય ઘટના પર આધારિત ‘શેરદિલ : ધ પીલીભીત સાગા’ આજે રિલીઝ થઈ રહી છે. ભાષાને લઈને પંકજ ​ત્રિપાઠીએ કહ્યું કે ‘હું જે ભાષામાં કમ્ફર્ટેબલ ન હોઉં એ ફિલ્મ કે પછી વેબ-સિરીઝમાં કામ કરવાનું પસંદ નથી કરતો. મને એ નથી પસંદ કે મારા ડાયલૉગ્સ અન્ય કોઈ બોલે. મારી ઍક્ટિંગ અને હાવભાવ એ મારા અવાજના પૂરક છે નહીં તો મારો રોલ અધૂરો દેખાય.’

24 June, 2022 01:51 PM IST | Mumbai | Gujarati Mid-day Correspondent

અન્ય લેખો

બૉલિવૂડ સમાચાર

News In Short: બરફની અંદર યુદ્ધની એક કળા ‘કલારીપયટ્ટુ’ કરી વિદ્યુત જામવાલે

તેનું કહેવું છે કે તે વિશ્વનો ટોચનો માર્શલ આર્ટિસ્ટ છે

29 June, 2022 06:30 IST | Mumbai | Gujarati Mid-day Correspondent
બૉલિવૂડ સમાચાર

નાનાં શહેરોની સ્ટોરી લોકોમાં ખૂબ પૉપ્યુલર થઈ છે : ફિલ્મમેકર આનંદ એલ. રાય

તેમની સારા અલી ખાન અને અક્ષયકુમારની ‘અતરંગી રે’ ગયા વર્ષે રિલીઝ થઈ હતી

29 June, 2022 06:20 IST | Mumbai | Gujarati Mid-day Correspondent
બૉલિવૂડ સમાચાર

માધવન ‘રહના હૈ તેરે દિલ મેં’ની રીમેક બનાવવાને મૂર્ખતા માને છે

૨૦૦૧માં આવેલી આ ફિલ્મમાં તેની સાથે દિયા મિર્ઝા અને સૈફ અલી ખાન પણ લીડ રોલમાં હતાં

29 June, 2022 06:16 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK