° °

આજનું ઇ-પેપર
Friday, 24 September, 2021


હું ચૅટરબૉક્સ હોવાથી મારી ચૅટ-સેશનનું નામ ‘બક બક વિથ બાબા’ રાખ્યું છે : અર્જુન

04 August, 2021 09:43 AM IST | Mumbai | Harsh Desai

ફૅમિલી, ફ્રેન્ડ્સ ને કો-સ્ટાર સાથે તેમની પસંદગી અને પૅશન વિશે તે વાત કરતો જોવા મળશે

અર્જુન કપૂર

અર્જુન કપૂર

અર્જુન કપૂરનું કહેવું છે કે તે ખૂબ જ વાતોડિયો હોવાથી તેણે તેના ચૅટ-સેશનનું નામ ‘બક બક વિથ બાબા’ રાખ્યું છે. તે ડિજિટલ ઇન્ટેલેક્ચ્યુઅલ પ્રૉપર્ટી લઈને આવ્યો છે. એટલે કે તે સોશ્યલ મીડિયા ખાસ કરીને ઇન્સ્ટાગ્રામ પર તેનાં ફૅમિલી, ફ્રેન્ડ્સ અને કો-સ્ટાર સાથે તેમની પસંદગી અને પૅશન વિશે વાતો કરતો જોવા મળશે. તેની સાવકી બહેન જાહ્નવી કપૂર સાથે પહેલી ચૅટ-સેશન તેણે રિલીઝ પણ કરી છે. તેઓ એક મૅગેઝિન માટે શૂટ કરી રહ્યાં હતાં અને ત્યાં તેને આ વિશે આઇડિયા આવ્યો હતો અને જાહ્નવી ત્યાં હાજર હોવાથી તેણે પહેલું શૂટ પણ તેની સાથે કર્યું હતું. આ વિશે અર્જુને કહ્યું હતું કે ‘આપણે ડિજિટલ એરામાં રહીએ છીએ જ્યાં કોઈ પણ વ્યક્તિ સારી વાતચીત અથવા તો કૅમ્પેનને ઑનલાઇન સ્ટાર્ટ કરી શકે છે. ઇન્ટરનેટ પર મારા ફૅન્સ અને દર્શકો માટે હું હંમેશાં કંઈક નવું કરવા માટે વિચારતો હતો. મારી ડિજિટલ ઇન્ટેલેક્ચ્યુઅલ પ્રૉપર્ટીમાં લોકોને તેમના ફેવરિટ સ્ટાર્સ વિશે જાણી-અજાણી વાતો વિશે જાણવા મળશે. આ શોમાં હું મારી ફૅમિલી, ફ્રેન્ડ્સ અને કો-સ્ટાર સાથે તેમની પસંદ અને પૅશન વિશે ફન અને ફૉર્મલ ચૅટ કરતો જોવા મળીશ. ઇન્ડસ્ટ્રીમાં દરેક વ્યક્તિ જાણે છે કે હું ચૅટરબૉક્સ છું. હું કંઈ પણ વિશે વાત કરી શકું છું. આથી એનું નામ ‘બક બક વિથ બાબા’ રાખવામાં આવ્યું છે.’
જાહ્નવી પહેલી ગેસ્ટ હોવા વિશે અર્જુને કહ્યું હતું કે ‘અમે એક ફૅશન મૅગેઝિન માટે સાથે શૂટ કરી રહ્યાં હતાં અને અચાનક મને આ આઇડિયા આવ્યો હતો. તે ખૂબ જ સારી રીતે મારા દ્વારા પૂછવામાં આવેલા સવાલોના જવાબ આપતી હતી.’

04 August, 2021 09:43 AM IST | Mumbai | Harsh Desai

અન્ય લેખો

બૉલિવૂડ સમાચાર

પચીસ વર્ષની મરાઠી ઍક્ટ્રેસ ઈશ્વરી દેશપાંડેનું ઍક્સિડન્ટમાં થયું મૃત્યુ

આ અકસ્માત વિશે પોલીસ ઇન્સ્પેક્ટર સૂરજ ગવસે કહ્યું હતું કે ‘પ્રાથમિક તપાસમાં જાણવા મળ્યું છે કે ડ્રાઇવરે કાર પરનું નિયંત્રણ ગુમાવતાં આ દુર્ઘટના ઘટી હતી.

23 September, 2021 04:07 IST | Mumbai | Gujarati Mid-day Correspondent
બૉલિવૂડ સમાચાર

ઍન્ટિ-એન્ગ્ઝાયટીની દવાને કારણે વજન વધી ગયું છે પારસ છાબરાનું

પહેલું એ કે મને લિવર ઇન્ફેક્શન થવાથી મારા શરીરમાં સોજો આવી ગયો હતો. બીજું કારણ એ કે બિગ બૉસના હાઉસમાંથી બહાર આવ્યા બાદ મને એન્ગ્ઝાયટીના અટૅક આવવા લાગ્યા હતા.

23 September, 2021 03:43 IST | Mumbai | Gujarati Mid-day Correspondent
બૉલિવૂડ સમાચાર

સફળતાને અલગ માપદંડથી આંકવામાં આવે છે : સૈફ અલી ખાન

સ્ક્રિપ્ટ પસંદ પડે તો એના પર વધુ વિશ્વાસ આવે છે. ‘ભૂત પોલીસ’ પણ એમાંની જ એક છે. હું મારાં કો-ઍક્ટર્સ અર્જુન, યામી અને જૅકલિન અને ખાસ કરીને અર્જુનનો આભાર માનું છું, કારણ કે હું શરૂઆતથી જ તેની સાથે હતો.

23 September, 2021 03:36 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK