તેનું કહેવું છે કે મોટા સ્ટાર સાથે કરવામાં આવતી ફિલ્મોને કારણે તેને વધુ બ્રૅન્ડની આૅફર મળે છે
વાણી કપૂર
વાણી કપૂરનું કહેવું છે કે મોટી ફિલ્મો તે તેને જરૂરી અટેન્શન મળી રહે એ માટે કરે છે. ‘શુદ્ધ દેશી રૉમેન્સ’ દ્વારા બૉલીવુડમાં એન્ટ્રી કરનારી વાણી હૃતિક રોશન સાથેની ‘વૉર’ને લઈને ફરી ચર્ચામાં આવી હતી. ત્યાર બાદ તેને વધુ ફિલ્મોની ઑફર અને બ્રૅન્ડની ઑફર મળવાની શરૂ થઈ હતી. હાલમાં તે અક્ષયકુમાર સાથે ‘બેલ બૉટમ’, રણબીર કપૂર સાથે ‘શમશેરા’ અને આયુષ્માન ખુરાના સાથે ‘ચંડીગઢ કરે આશિકી’માં જોવા મળશે. આ તમામ ફિલ્મો બિગ બજેટની છે. આવી મોટી ફિલ્મોની પસંદગી કરવા વિશે પૂછવામાં આવતાં વાણી કપૂરે કહ્યું હતું કે ‘તમે જ્યારે મોટી ફિલ્મો કરો છો ત્યારે તમને વધુ લોકો જુએ છે, પરંતુ એની સાથે તમારા પર ખૂબ જ બારીકાઈથી નજર પણ નાખવામાં આવે છે. મેં હંમેશાંથી એવી ફિલ્મો કરવાનો આગ્રહ રાખ્યો છે જેનાથી મને મારી ઍક્ટિંગ સ્કિલ દેખાડવાની તક મળે. મારી આગામી તમામ ફિલ્મોમાં લોકોને એન્ટરટેઇનમેન્ટ પૂરું પાડવા માટે મેં મારો જાન રેડી દીધો છે. મોટી ફિલ્મોને પસંદ કરવાથી મને જરૂરી અટેન્શન મળી રહે છે. આ કારણસર મને મોટું બ્રૅન્ડ એન્ડોર્સમેન્ટ પણ મળી રહે છે. હું હમણાં ખૂબ જ સારી જગ્યાએ છું અને હું એવી જ બ્રૅન્ડને એન્ડોર્સ કરું છું જેમાં મને વિશ્વાસ હોય.’