બર્થ-ડે નિમિત્તે લોકોએ આપેલી શુભેચ્છાને કારણે તેઓ અભિભૂત થયા હતા
જુહુમાં આવેલા તેમના ઘર `જલસા`ની બહાર અમિતાભ બચ્ચન (તસવીર : શાદાબ ખાન)
અમિતાભ બચ્ચનનો ગઈ કાલે બર્થ-ડે હોવાથી તેમના પર લોકોએ વરસાવેલા પ્રેમથી તેઓ ખૂબ અભિમાન અનુભવી રહ્યા હતા. તેઓ ૭૯ વર્ષના થયા છે. જગતભરમાં તેમના ચાહકો અસંખ્ય છે. સૌનો આભાર વ્યક્ત કરતાં બ્લૉગ પર અમિતાભ બચ્ચને લખ્યું હતું કે ‘શુભેચ્છાઓનો જે ધોધ છે એ અપાર, વિસ્તૃત અને હેતથી ભરેલો છે. આ લાગણીને છેલ્લાં કેટલાંય વર્ષોથી અમે સાથે માણી રહ્યા છીએ. આ સંબંધ કદી તૂટશે નહીં, એ મજબૂત અને દૃઢ રહેશે. સ્પંદનશીલ દિલો પ્રતિ લાગણી વ્યક્ત કરી શકવાને હું સક્ષમ નથી, તમારા પ્રેમને કારણે હું ઉત્સાહિત થઈ ગયો છું. તમારા સૌના વ્યક્તિગત તાલમેલને વ્યક્ત કરવું અશક્ય છે. જોકે હું જાણું છું કે તમે એ વાત સમજી શકશો કે મેં તમારી શુભેચ્છાઓને શિરોમાન્ય કરી છે અને એ જ અગત્યનું હોય છે. તમારા ફૉલોઇંગને કારણે અને તમે આપેલા પ્રેમને કારણે હું ગર્વ સાથે ચાલું છું.’
