° °

આજનું ઇ-પેપર
Thursday, 30 June, 2022


હું મેજર સંદીપ તો ન બની શકું, પરંતુ તેમના પેરન્ટ્સનો બીજો દીકરો તો બની જ શકું છું : અદિવી સેશ

20 May, 2022 10:19 AM IST | Mumbai
Gujarati Mid-day Correspondent | feedbackgmd@mid-day.com

મેજર સંદીપ ઉન્નીક્રિષ્નનના ત્યાગ અને સમર્પણને ‘મેજર’ દ્વારા દેખાડનાર અદિવી સેશે જણાવ્યું છે કે તે મેજર સંદીપ જેવો તો નહીં બની શકે, પરંતુ તેમના પેરન્ટ્સનો બીજો દીકરો બનવાનો પ્રયાસ જરૂર કરશે

અદિવી સેશ

અદિવી સેશ

મેજર સંદીપ ઉન્નીક્રિષ્નનના ત્યાગ અને સમર્પણને ‘મેજર’ દ્વારા દેખાડનાર અદિવી સેશે જણાવ્યું છે કે તે મેજર સંદીપ જેવો તો નહીં બની શકે, પરંતુ તેમના પેરન્ટ્સનો બીજો દીકરો બનવાનો પ્રયાસ જરૂર કરશે. મુંબઈ પર ૨૦૦૮માં થયેલા આતંકવાદી હુમલામાં લોકોના પ્રાણ બચાવનાર મેજર સંદીપ શહીદ થયા હતા. તેમની બહાદુરીભરેલી સ્ટોરીની ફિલ્મ બનાવતા અગાઉ મેજરના પરિવાર સાથે અદિવી સેશે મુલાકાત કરી હતી. આ ફિલ્મ ૩ જૂને હિન્દી, તામિલ અને તેલુગુમાં થિયેટર્સમાં રિલીઝ કરવામાં આવશે. મેજર સંદીપના પેરન્ટ્સ વિશે અદિવી સેશે કહ્યું કે ‘અમે અંકલ અને અમ્માને વિનંતી કરી હતી કે અમારી સાથે એક વખત મુલાકાત કરો. મેં પહેલી વખત અંકલને મળવાનો પ્રયાસ કર્યો તો તેમણે નકાર આપ્યો હતો. બાદમાં અમારી ટીમની એક યુવતીને તેમની સાથે વાત કરવાનો આગ્રહ કર્યો હતો જેથી તેઓ માની જાય અને તેઓ અમને મળવા માટે રાજી થયાં હતાં. હું તેમને જ્યારે મળ્યો ત્યારે તેમણે જણાવ્યું કે બૉલીવુડ અને મલયાલમ સિનેમાના અનેક ફિલ્મમેકર્સે તેમને મળવાનો પ્રયાસ કર્યો હતો પરંતુ તેમને મળવાની તેમણે ચોખ્ખી ના પાડી હતી, કારણ કે તેમના મુજબ એ બધા તેમના પર જાણે કે મહેરબાની કરતા હોય એવું લાગતું હતું. જોકે અમારા તરફથી તેમના દીકરાની વીરતાને દેખાડવી એ તેમને ખરો 
પ્રયાસ લાગ્યો હતો. ફિલ્મના શૂટિંગ દરમ્યાન અંકલ અને અમ્મા અમારા માટે પરિવાર બની ગયાં હતાં. મૈં ઑફ-સ્ક્રીન તો મેજર નહીં બન સકતા, પરંતુ તેમનો બીજો દીકરો તો બની શકું છું. તેઓ કેરળનાં હોવાથી તેમના પ્રતિ આદર વ્યક્ત કરવા અમે મલયાલમમાં પણ ફિલ્મ ડબ કરી છે. એ નિર્ણય પાછળ અમારો કોઈ સ્વાર્થ નથી.’

20 May, 2022 10:19 AM IST | Mumbai | Gujarati Mid-day Correspondent

અન્ય લેખો

બૉલિવૂડ સમાચાર

News In Short: બરફની અંદર યુદ્ધની એક કળા ‘કલારીપયટ્ટુ’ કરી વિદ્યુત જામવાલે

તેનું કહેવું છે કે તે વિશ્વનો ટોચનો માર્શલ આર્ટિસ્ટ છે

29 June, 2022 06:30 IST | Mumbai | Gujarati Mid-day Correspondent
બૉલિવૂડ સમાચાર

નાનાં શહેરોની સ્ટોરી લોકોમાં ખૂબ પૉપ્યુલર થઈ છે : ફિલ્મમેકર આનંદ એલ. રાય

તેમની સારા અલી ખાન અને અક્ષયકુમારની ‘અતરંગી રે’ ગયા વર્ષે રિલીઝ થઈ હતી

29 June, 2022 06:20 IST | Mumbai | Gujarati Mid-day Correspondent
બૉલિવૂડ સમાચાર

માધવન ‘રહના હૈ તેરે દિલ મેં’ની રીમેક બનાવવાને મૂર્ખતા માને છે

૨૦૦૧માં આવેલી આ ફિલ્મમાં તેની સાથે દિયા મિર્ઝા અને સૈફ અલી ખાન પણ લીડ રોલમાં હતાં

29 June, 2022 06:16 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK