દબંગ સલમાન ખાને કરી સાઇકલ પર સવારી
સલમાન ખાનનો દબંગ 3ની શૂટિંગ સમયનો લૂક
દબંગ 3નું શુટીંગ શરૂ થયું
સલમાન ખાનની મોસ્ટ અવેઈટેડ ફિલ્મ દબંગ 3ની શૂટિંગ શરૂ થઈ ગઈ છે અને ફર્સ્ટ શેડ્યુલ મહેશ્વર, મધ્યપ્રદેશમાં પૂરું થઈ રહ્યું છે. ત્યારે શૂટિંગ દરમિયાનની કેટલીક તસવીરો જોવા મળી છે જેમાં સલમાન ખાનનો આ અવનવો લૂક જોવા મળે છે. એમ કહી શકાય કે સલમાન ફિલ્મમાં આવા લૂકમાં જોવા મળી શકે છે.
ADVERTISEMENT
તાજેતરમાં જ મહેશ્વરમાં દબંગ 3ની શૂટિંગ લોકેશનની લેટેસ્ટ તસવીરો આવી છે. જેમાં સલમાન ખાનનો શાનદાર લૂક જોવા મળે છે જેની સાથે મહેશ્વરની સુંદર ઘાટ પણ દેખાય છે. આ પહેલા સલમાન ખાને પોતે કેટલીક તસવીર શૂટિંગ લોકેશન પરથી જ શેર કરી હતી.
તસવીરમાં જોવા મળશે કે સલમાન ખાને બ્લુ શર્ટ અને જિન્સ પહેર્યું છે.
સલમાન ખાન ફરી એક વાર પોતાના દબંગ લૂકમાં જોવા મળે છે.
ફિલ્મમાં એક સોન્ગ છે જેની શૂટિંગ લગભગ 13 દિવસમાં પૂરી થશે, આ ગીતમાં 500થી વધુ ડાન્સર્સ જોવા મળશે.
સલમાન ખાને પોતે મંગળવારે એક તસવીર શેર કરી હતી જેમાં નર્મદા કિનારે શૂટિંગ કરતા દેખાઈ રહ્યો હતો.
શૂટિંગના સમયની તસવીરોની સાથે સાથે એક વીડિયો પણ જોવા મળ્યો છે જેમાં સલમાન ખાન અને અરબાઝ મહેશ્વરની ગલીઓમાં સાઈકલ ચલાવતા દેખાઈ રહ્યા છે.
ઉલ્લેખનીય છે કે રવિવારે સાંજે સલમાન ખાન ઇન્દોર પહોંચ્યો. ત્યાર બાદ રવિવારે સલમાન અને અરબાઝ ખાને ઇન્દોર પહોંચીને એક વીડિયો પોતાના ફેન્સ માટે શેર કર્યો હતો. જેમાં તેમણે કહ્યું કે, "અમે બન્ને ઇન્દોરમાં છીએ જ્યાં અમારો જન્મ થયો અને મહેશ્વરમાં શૂટિંગ શરૂ કરવા જઈ રહ્યા છીએ જ્યાં અમારા દાદાજીની પોસ્ટિંગ થઈ હતી જ્યારે તેઓ પોલીસ ફોર્સમાં હતા."
આ પણ વાંચો : બાહુબલીના ડિરેક્ટરની ફિલ્મનું અમદાવાદ, વડોદરામાં શૂટિંગ શરૂ
ડિસેમ્બરમાં ફિલ્મ રીલિઝ થઇ શકે છે
ફિલ્મ ડિસેમ્બરમાં રિલીઝ કરવામાં આવશે. આ ફિલ્મને પ્રભુદેવા ડાયરેક્ટ કરે છે અને અરબાઝ ખાન પ્રૉડ્યુસ કરી રહ્યો છે. લગભગ 10 વર્ષ પછી સલમાન અને પ્રભુદેવાની જોડી એકસાથે આવી રહી છે. આ પહેલા વર્ષ 2009માં સલમાન ખાનને ફિલ્મ વોન્ટેડમાં પ્રભુદેવાએ ડાયરેક્ટ કર્યો હતો. સલમાન ખાનની આગામી ફિલ્મમાં દબંગ 3 સિવાય ભારતનું નામ પણ સામેલ છે. ફિલ્મ ભારત 5 જૂનના રિલીઝ થશે.
