જહાં ચાર યારનું અગિયાર વર્ષ બાદ ફરી એ જ જગ્યાએ શૂટિંગ કરતી સ્વરા ભાસ્કર
જહાં ચાર યાર
સ્વરા ભાસ્કરે ‘તનુ વેડ્સ મનુ’નું શૂટિંગ લખનઉમાં જ્યાં કર્યું હતું ત્યાં ‘જહાં ચાર યાર’નું શૂટિંગ શરૂ કર્યું છે. આ ફિલ્મમાં તેની સાથે શિખા તલસાણિયા, મેહર વિજ અને પૂજા ચોપડા પણ લીડ રોલમાં જોવા મળશે. ફિલ્મની સ્ટોરી આ ચારેય ફ્રેન્ડ્સના જીવનમાં આવનાર ઉતાર-ચડાવની આસપાસ ફરશે. ફિલ્મનું મોટા ભાગનું શૂટિંગ ગોવામાં પણ કરવામાં આવશે. ફિલ્મને કમલ પાન્ડે ડિરેક્ટ કરશે અને વિનોદ બચ્ચન પ્રોડ્યુસ કરશે. ફિલ્મનું શૂટિંગ શરૂ કરવાનો ફોટો ઇન્સ્ટાગ્રામ પર શૅર કરીને સ્વરાએ કૅપ્શન આપી હતી કે ‘વિનોદ બચ્ચન સર સાથે કામ કરવાની મને ખૂબ ખુશી છે. સંયોગની વાત એ છે કે ૧૧ વર્ષ પહેલાં ‘તનુ વેડ્સ મનુ’નું શૂટિંગ લખનઉમાં કર્યું હતું. આજથી લખનઉમાં ‘જહાં ચાર યાર’નું શૂટિંગ શરૂ કર્યું છે. અહીં પહેલા દિવસના શૂટિંગની એક ઝલક દેખાડું છું. શૂટિંગમાં શિખા તલસાણિયા, મેહર વિજ અને પૂજા ચોપડા જોડાઈ એને લઈને ખૂબ આતુર છું.’