સલમાનની ‘અંતિમ: ધ ફાઇનલ ટ્રૂથ’ Zee5 પ્રીમિયરની સાથે સિંગલ સ્ક્રીન પર અને દશેરા દરમ્યાન વિકી કૌશલની ‘સરદાર ઊધમ સિંહ’ ઍમેઝૉન પ્રાઇમ વિડિયો પર રિલીઝ થશે
‘અંતિમ: ધ ફાઇનલ ટ્રૂથ’ અને ‘સરદાર ઊધમ સિંહ’ થશે ઑનલાઇન રિલીઝ
સલમાન ખાન અને આયુષ શર્માની ‘અંતિમ : ધ ફાઇનલ ટ્રૂથ’ Zee5 પ્રીમિયરની સાથે સિંગલ સ્ક્રીન પર રિલીઝ થવા માટે તૈયાર છે. આ ફિલ્મમાં સલમાન અને આયુષ પહેલી વખત સાથે જોવા મળશે. ફિલ્મમાં સલમાન પોલીસની ભૂમિકામાં દેખાશે. મલ્ટિપ્લેક્સ ફિલ્મની રિલીઝ માટે તૈયાર નહીં થાય એથી સલમાને ફિલ્મને સિંગલ સ્ક્રીન પર રિલીઝ કરવાનો નિર્ણય લીધો છે. તો બીજી તરફ વિકી કૌશલની ‘સરદાર ઊધમ સિંહ’ ઍમેઝૉન પ્રાઇમ વિડિયો પર ૧૬ ઑક્ટોબરે રિલીઝ થવાની છે. આ ફિલ્મ જલિયાંવાલા બાગની વાસ્તવિક ઘટના પર આધારિત છે. એ ઘટનાનું વેર વાળવા માટે સરદાર ઊધમ સિંહ આગેવાની કરે છે. આ ફિલ્મને રશિયા, લંડન, જર્મની અને ઉત્તર ભારતમાં શૂટ કરવામાં આવી છે.
થિયેટર્સ હજી સુધી શરૂ નથી થયાં એથી વધુમાં વધુ દર્શકો સુધી પહોંચવા માટે ડિજિટલ પ્લૅટફૉર્મ એક કારગર માધ્યમ છે.