અજય દેવગને ગઈ કાલે મુંબઈમાં ‘ભોલા’નું શૂટિંગ શરૂ કરી દીધું છે. સેટ પર કોવિડના તમામ નિયમોનું પાલન કરવામાં આવ્યું છે.
અજય દેવગન
અજય દેવગને ગઈ કાલે મુંબઈમાં ‘ભોલા’નું શૂટિંગ શરૂ કરી દીધું છે. સેટ પર કોવિડના તમામ નિયમોનું પાલન કરવામાં આવ્યું છે. આ ફિલ્મ તામિલની બ્લૉકબસ્ટર ‘કૈથી’ની હિન્દી રીમેક છે. અજય દેવગને ૨૦૨૦માં આ ફિલ્મની રીમેક બનાવવાની જાહેરાત કરી હતી. જોકે મહામારીને કારણે લાગેલા લૉકડાઉનને જોતાં શૂટિંગ થઈ શક્યું નહોતું. આ ફિલ્મમાં અજયની સાથે તબુ પણ જોવા મળશે. ફિલ્મને અજય દેવગનનો કઝિન ધર્મેન્દ્ર શર્મા ડિરેક્ટ કરી રહ્યો છે. અજય દેવગન ફિલ્મનું પ્રી-પ્રોડક્શન અને સ્ક્રિપ્ટિંગ પર દેખરેખ રાખી રહ્યો છે. ફિલ્મનું શૂટિંગ શરૂ કરતાં અગાઉ અજય દેવગને સબરીમાલા મંદિરે દર્શન કર્યાં હતાં.