આઇએસી વિક્રાન્તના નામના આ ઍરક્રાફ્ટના બાંધકામની તેમણે ખૂબ પ્રશંસા કરી હતી. એ કેરલાની કોચિન શિપયાર્ડ લિમિટેડમાં બનાવવામાં આવ્યું હતું
સુપરસ્ટાર મોહનલાલ ઇન્ડિજિનીયસ ઍરક્રાફ્ટ કૅરિયરની મુલાકાતે
મલયાલમ સુપરસ્ટાર મોહનલાલે તાજેતરમાં ઇન્ડિજિનીયસ ઍરક્રાફ્ટ કૅરિયરની મુલાકાત લઈને ખુશી અનુભવી હતી. આઇએસી વિક્રાન્તના નામના આ ઍરક્રાફ્ટના બાંધકામની તેમણે ખૂબ પ્રશંસા કરી હતી. એ કેરલાની કોચિન શિપયાર્ડ લિમિટેડમાં બનાવવામાં આવ્યું હતું. એ ઍરક્રાફ્ટની મુલાકાતનો ફોટો ઇન્સ્ટાગ્રામ પર શૅર કરીને મોહનલાલે કૅપ્શન આપી હતી, ‘ભારતના પ્રથમ ઇન્ડિજિનીયસ ઍરક્રાફ્ટ કૅરિયર (આઇએસી)ની મુલાકાત લઈને સન્માન અનુભવી રહ્યો છું. આ વિક્રાન્તને કેરલાની કોચિન શિપયાર્ડ લિમિટેડમાં બનાવવામાં આવ્યું છે અને એ ૧૩ વર્ષની સખત મહેનત બાદ બન્યું છે. શ્રેષ્ઠ દરજ્જાનું એમાં કામ કરવામાં આવ્યું છે. ભારતીય નૌસેનાને એ વધુ મજબૂતી પ્રદાન કરશે અને ભારતીય બાંધકામની ક્ષમતાનું ઉત્તમ ઉદાહરણ રજૂ કરશે. આ અતુલનીય તક માટે દિલથી આભાર વ્યક્ત કરું છું. ખાસ કરીને કમાન્ડિંગ ઑફિસર, કોમોડોર વિદ્યાધર હરકે, વીએસએમ અને કોચિન શિપયાર્ડ લિમિટેડના ચૅરમૅન અને મૅનેજિંગ ડિરેક્ટર મિસ્ટર મધુ નાયરે જે સન્માન આપ્યું એ બદલ તેમનો આભાર. તેમની અજોડ કામગીરી જોવાની મને તક મળી. આઇએસી વિક્રાન્તમાં યોગદાન આપનાર તમામને દિલથી સલામી કરવાનું મન થઈ આવ્યું. એ અદ્ભુત છે. આશા છે કે એ દરિયામાં પણ હંમેશાં વિજેતા રહે.’
