તેણે હાલમાં શૂટિંગમાંથી બ્રેક લીધો છે
અજિત કુમાર
સાઉથનો ફેમસ ઍક્ટર અજિત કુમાર બાઇક લઈને યુરોપની ટ્રિપ પર ઊપડ્યો છે. તેણે આ અગાઉ ભારતનાં સિક્કિમ અને કલકત્તાનો બાઇકથી પ્રવાસ કરવાનો આનંદ લીધો હતો. તેણે હાલમાં શૂટિંગમાંથી બ્રેક લીધો છે. જુલાઈમાં તે ફરીથી ડિરેક્ટર એચ. વિનોદની ‘AK 61’ શૂટિંગ શરૂ કરવાનો છે. અજિત કુમાર બાઇકની પાછળ દીવાનો છે. ઘણા સમયથી તેની ઇચ્છા હતી કે તે વિદેશમાં બાઇકથી યાત્રા કરે. તે લંડનમાં બાઇકથી ટ્રિપ કરી રહ્યો છે. હવે તે યુરોપને એક્સપ્લોર કરવાનો છે. બાઇક સાથેના તેના ફોટો સોશ્યલ મીડિયા પર વાઇરલ થઈ રહ્યા છે. એમાં તે રાઇડિંગ ગિયર સાથે દેખાઈ રહ્યો છે. એવું કહેવામાં જરાય ખોટું નથી કે શૂટિંગમાંથી બ્રેક લઈને અજિત કુમાર પોતાના શોખને પૂરા કરી રહ્યો છે.
