° °

આજનું ઇ-પેપર
Thursday, 06 October, 2022


મારે જૉબ ચેન્જ કરવી કે નહીં એ નક્કી નથી થતું

23 September, 2022 12:54 PM IST | Mumbai
Sejal Patel | sejal@mid-day.com

નવા વિચાર કે નવા કામ માટે જેટલી વિલિંગનેસ હોય એટલી વધુ પ્રગતિ થવાના ચાન્સિસ

પ્રતીકાત્મક તસવીર (સૌજન્ય : આઇસ્ટૉક) સવાલ સેજલને

પ્રતીકાત્મક તસવીર (સૌજન્ય : આઇસ્ટૉક)

મારી ઉંમર ૩૧ વર્ષ છે. પ્રોફેશનલ કરીઅર શરૂ કરી ત્યારથી એક જ કંપનીમાં કામ કરું છું અને પ્રમોશન મેળવીને અત્યારે જનરલ મૅનેજરની પોસ્ટ પર છું. મને એવું લાગે છે કે મારે અનુભવ માટે હવે ચેન્જ લેવો જોઈએ, પણ નવા વાતાવરણમાં સેટ થવાનો વિચાર મને બહુ ફેસિનેટ નથી કરી રહ્યો. દિમાગ કહે છે કે એક્સપિરિયન્સ માટે વરાયટી જરૂરી છે જ્યારે દિલ કહે છે કે જ્યાં છું ત્યાં બરાબર છું. મારા દોસ્ત સાથે વાત કરતો હતો ત્યારે તેણે મને કહ્યું કે કદાચ હું એક જ જગ્યાએ સ્ટેગ્નન્ટ થઈ ગયો હોવાથી મારામાં હવે નવું એક્સપ્લોર કરવાની ધગશ નથી રહી. બીજી તરફ મને એવું લાગે છે કે હું કમ્ફર્ટ ઝોનમાં આવી ગયો છું જેને કારણે નવું કરવાની ઇચ્છા નથી. એક જ કંપનીમાં લાંબો સમય કામ કરવાથી પ્રોગ્રેસ જોઈએ એવો નથી થતો એ વાત સાથે તો હું પણ સહમત થાઉં છું. આ બધી ગડમથલને કારણે મારું મન કામમાં નથી લાગતું, એવું લાગે છે કે હું એક ઘરેડને પકડી રાખીને ખોટું કરી રહ્યો છું.

પરિવર્તનનો સ્વીકાર કરવાની આપણી તૈયારી કેટલી છે એના પરથી નક્કી થાય કે આપણે મેન્ટલી કેટલા ફ્રી છીએ. નાના બાળકને કંઈક નવું કરવાનું કહો તો તેનામાં કેટલો ઉત્સાહ આવી જાય છે? આ જ ઉત્સાહ તેને નવી સ્કિલ્સ શીખવા અને આઉટ ઑફ બૉક્સ થિન્કિંગ કરવા પ્રેરે છે. કરીઅરમાં પણ એવું જ છે. નવા વિચાર કે નવા કામ માટે જેટલી વિલિંગનેસ હોય એટલી વધુ પ્રગતિ થવાના ચાન્સિસ. અને હંમેશાં પ્રગતિ એટલે પૈસા, પ્રમોશન કે પદ જ હોય એ જરૂરી નથી. ઘણી વાર અનુભવ પણ બહુ મહત્ત્વની અસેટ હોય છે. 

સામાન્ય રીતે મિડલ-એજમાં હોય એવા પ્રોફેશનલ્સ તમારા જેવી અવઢવમાં હોય છે. જૂનું ચાલુ રાખવું કે નવો પ્રયોગ કરવો? આ બેમાંથી એક જ ચીજ સારી કે સાચી છે એવું કોઈ છાતી ઠોકીને નહીં કહી શકે. બન્નેના પોતાના ફાયદા અને ગેરફાયદા છે. એક જ કંપનીમાં એકનું એક કામ કરતા રહેવાને બદલે જો એમાં પણ ડાયવર્સિફિકેશન કરીને અનુભવ બહોળો કરવામાં આવે તો એ તમને સમૃદ્ધ કરી જ શકે છે. જોકે તમને અત્યારે નવા વાતાવરણમાં જવા માટે જે રેઝિસ્ટન્સ અનુભવાય છે એનું કારણ સમજવું જરૂરી છે. એ કારણો પરથી આવરણ હટશે તો ઘણી ચીજો સ્પષ્ટ થશે. 

23 September, 2022 12:54 PM IST | Mumbai | Sejal Patel

અન્ય લેખો

યામી જેવી સ્કિનની સમસ્યા તમને પણ છે? તો ફિકર નૉટ

ગ્લૅમર વર્લ્ડમાં રહીને ત્વચાની સમસ્યા હોય તો એનાથી કેટલું સ્ટ્રેસ અનુભવાય એ સમજી શકાય એવું છે.

04 October, 2022 05:17 IST | Mumbai | Sejal Patel

નવરાત્રી પ્રેરણા: નિરાધાર અને ઓળખ વગરના લોકોનો આધાર અને સરનામું છે આ મહિલા

નિરાધાર લોકોનો આધાર બની વિચરતા સમુદાયના લોકોને આશરો અને શિક્ષણ આપવા માટે મિત્તલ પટેલ છેલ્લા 17 વર્ષથી કામ કરી રહ્યાં છે. મિત્તલ પટેલ વિચરતા સમુદાય સમર્થન મંચ સંસ્થા હેઠળ અનેક સામાજીક કાર્યો કરી રહ્યાં છે.

04 October, 2022 02:09 IST | Ahmedabad | Nirali Kalani

ગ્રામ વિસ્તારના લોકોની મદદ કરતાં નીતાબહેન કેમ ઓળખાય છે વૉટર ચેમ્પિયન તરીકે, જાણો

`વૉટર ચેમ્પિયન` તરીકે  નીતાબેન પટેલની. જેઓ છેલ્લા 20 વર્ષથી ગામડાંઓમાં પાણીની સમસ્યાના નિવારણ માટે લડી રહ્યાં છે. તેમની મહેનત અને પંચાયત તથા સંસ્થાઓના સપોર્ટથી હવે અનેક ગામોમાં પાણીની સમસ્યાનો હલ આવ્યો છે.

30 September, 2022 05:25 IST | Ahmedabad | Nirali Kalani

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK