વિપ્રોની કામગીરી અપેક્ષા કરતાં સારી

Published: 3rd November, 2012 07:58 IST

આઇટી સેક્ટરની અગ્રણી કંપની વિપ્રો લિમિટેડે સપ્ટેમ્બર ૨૦૧૨માં પૂરા થયેલા સેકન્ડ ક્વૉર્ટરમાં ઍનલિસ્ટ્સ અને બજારની અપેક્ષા કરતાં સારી કામગીરી રજૂ કરી છે. કંપનીના ચોખ્ખા નફામાં મામૂલી વૃદ્ધિ થવાની અપેક્ષા સામે ચોખ્ખો નફો ૨૪ ટકા વધ્યો છે.



આ વર્ષે સેકન્ડ ક્વૉર્ટરમાં કંપનીનો ચોખ્ખો નફો ૨૪ ટકા વધીને ૧૬૧૦.૬૦ કરોડ રૂપિયા રહ્યો છે, જે આગલા વર્ષે આ સમયગાળામાં ૧૩૦૦.૯૦ કરોડ રૂપિયા થયો હતો. કુલ આવક ૯૦૬૪.૫૦ કરોડ રૂપિયાથી ૧૭ ટકા વધીને ૧૦,૬૨૦.૩૦ કરોડ રૂપિયા થઈ છે.

આઇટી ડિવિઝનમાં નવા ૨૦૧૭ કર્મચારીઓની નિમણૂક કરવામાં આવી છે. કર્મચારીઓની કુલ સંખ્યા ૧,૪૦,૫૬૯ થઈ છે. થર્ડ ક્વૉર્ટરમાં કંપનીની આવકમાં ૧.૩૦ ટકાથી ૩.૨૦ ટકાનો વધારો થવાની ગાઇડન્સ કંપનીએ જાહેર કરી છે.

ડીમર્જર

કંપનીએ ગુરુવારે જાહેરાત કરી હતી કે ત્રણ નૉન-આઇટી બિઝનેસિસનું ડીમર્જર કરવામાં આવશે. કંપનીના ચૅરમૅન અઝીમ પ્રેમજીએ ગઈ કાલે દિલ્હીમાં જણાવ્યું હતું કે ‘ડીમર્જરને કારણે સ્ટેકહોલ્ડર્સની વૅલ્યુમાં વધારો થશે અને દરેક બિઝનેસના ગ્રોથ માટે ફ્રેશ મોમેન્ટમ પ્રાપ્ત થશે. ડીમર્જર બાદ વિપ્રો માત્ર આઇટી બિઝનેસ પર જ ફોકસ કરી શકશે.’

કંપનીની કુલ આવકમાં અમેરિકાનો હિસ્સો સૌથી વધુ ૫૧.૫૦ ટકા રહ્યો છે. યુરોપનો ૨૮.૨૭ ટકા, એશિયા પૅસિફિકનો ૧૦.૬૦ ટકા, જપાનનો ૧.૧૦ ટકા અને ભારતનો ૮.૬૦ ટકા રહ્યો છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK