દેશમાં સોયાબીનનું ઉત્પાદન નવ લાખ ટન વધશે : સોપા

Published: 4th November, 2014 05:13 IST

દેશમાં સોયાબીનનું ઉત્પાદન ચાલુ વર્ષે ગયા વર્ષની તુલનાએ ૯ લાખ ટન વધશે એવું સોપા (સોયાબીન પ્રોસેસર્સ અસોસિએશન ઑફ ઇન્ડિયા) દ્વારા મૂકવામાં આવ્યો હતો. સોપાના મતે ચાલુ વર્ષે દેશમાં કુલ ૧૦૪.૩૬ લાખ ટન સોયાબીનનું ઉત્પાદન થશે જે ગયા વર્ષે ૯૪.૭૬ લાખ ટન થયું હતું.


કૉમોડિટી કરન્ટ-મયૂર મહેતા

સોપાના પ્રમુખ દેવીશ જૈને જણાવ્યું હતું કે ‘દેશમાં સોયાબીનનું સરેરાશ પ્રતિ હેક્ટર ઉત્પાદન ચાલુ વર્ષે ૨૧.૭૦ ટકા વધ્યું છે. ગયા વર્ષે ૭૮૮ કિલો પ્રતિ હેક્ટર ઉતારો હતો, જે ચાલુ વર્ષે વધીને ૯૫૯ લાખ ટને પહોંચ્યો છે. ખાસ કરીને મધ્ય પ્રદેશમાં સોયાબીનના ઉતારામાં ૩૯ ટકાનો વધારો થયો હતો. વાવેતર વિસ્તાર ૧૧.૪૦ ટકા ઘટ્યો છે.


મધ્ય પ્રદેશમાં ગયા વર્ષે છેલ્લે-છેલ્લે કમોસમી વરસાદ અને પ્રતિકૂળ હવામાનને કારણે ઉતારામાં મોટી અસર પહોંચી હતી એને કારણે સરેરાશ ઉત્પાદન ઘટયું હતું. એની સામે ચાલુ વર્ષે વાવેતર મોડું થયું છે, પરંતુ અત્યાર સુધીના પાકની સ્થિતિ સારી હોવાથી ઉત્પાદન વધશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK