સપ્ટેમ્બરમાં નવા પ્રોજેક્ટ ઇન્વેસ્ટમેન્ટમાં ઘટાડો

Published: 21st October, 2012 05:21 IST

ઇકૉનૉમિક સ્લોડાઉનને કારણે નવા પ્રોજેક્ટ ઇન્વેસ્ટમેન્ટમાં ઘટાડો થયો છે. નવા પ્રોજેક્ટ ઇન્વેસ્ટમેન્ટનું મૉનિટરિંગ કરતી કંપની ઇકૉનૉમિક રિસર્ચ ઇન્ડિયાના રિપોર્ટ પ્રોજેક્ટ ટુડેમાં જણાવ્યા મુજબ ઑગસ્ટની સરખામણીએ સપ્ટેમ્બરમાં નવા પ્રોજેક્ટ ઇન્વેસ્ટમેન્ટમાં ઘટાડો થયો છે.

ઑગસ્ટમાં ૪૭,૩૮૫ કરોડ રૂપિયાનું રોકાણ ધરાવતા ૬૮૯ નવા પ્રોજેક્ટ્સની જાહેરાત કરવામાં આવી હતી. સપ્ટેમ્બરમાં ૪૦,૪૦૪ કરોડ રૂપિયાનું રોકાણ ધરાવતા ૫૮૨ નવા પ્રોજેક્ટ્સની જાહેરાત કરવામાં આવી છે. પ્રોજેક્ટ ઇન્વેસ્ટમેન્ટમાં ૧૫ ટકાનો ઘટાડો થયો છે.

પાવર સેક્ટર

સપ્ટેમ્બરમાં જે નવા પ્રોજેક્ટ ઇન્વેસ્ટમેન્ટની જાહેરાત કરવામાં આવી છે એમાં સૌથી વધુ હિસ્સો ૫૭.૭૩ ટકા પાવર સેક્ટરનો છે. પાવર સેક્ટરમાં ૨૩,૩૨૭ કરોડ રૂપિયાનું રોકાણ ધરાવતા ૩૨ પ્રોજેક્ટ્સની જાહેરાત કરવામાં આવી છે. સર્વિસિસ અને યુટિલિટીઝ સેક્ટરમાં ૧૦,૦૦૨ કરોડ રૂપિયા, મૅન્યુફૅક્ચરિંગમાં ૫૨૬૭ કરોડ રૂપિયા, ઇરિગેશનમાં ૧૪૭૫ કરોડ રૂપિયા અને માઇનિંગ સેક્ટરમાં ૩૩૪ કરોડ રૂપિયાના નવા ઇન્વેસ્ટમેન્ટની જાહેરાત કરવામાં આવી છે.

ગુજરાત ચોથા ક્રમે

સપ્ટેમ્બર ૨૦૧૨માં જે નવા પ્રોજેક્ટ ઇન્વેસ્ટમેન્ટની જાહેરાત કરવામાં આવી છે એમાં ગુજરાત ચોથા સ્થાને છે. ગુજરાતમાં ૨૦૦૬ કરોડ રૂપિયાનું ઇન્વેસ્ટમેન્ટ ધરાવતા ૯૯ પ્રોજેક્ટ્સની જાહેરાત કરવામાં આવી છે. ઓડિશા પ્રથમ સ્થાને છે. ઓડિશામાં ૯૭૨૫ કરોડ રૂપિયાનું રોકાણ ધરાવતા ૨૦ પ્રોજેક્ટ્સની જાહેરાત કરવામાં આવી છે.

ઝારખંડમાં ૭૫૮૨ કરોડ રૂપિયાનું રોકાણ ધરાવતા ૨૫ પ્રોજેક્ટ્સ અને મધ્ય પ્રદેશમાં ૬૧૪૯ કરોડ રૂપિયાનું ઇન્વેસ્ટમેન્ટ ધરાવતા ૪૦ પ્રોજેક્ટ્સની જાહેરાત કરવામાં આવી છે. મહારાષ્ટ્ર પાંચમા સ્થાને છે. મહારાષ્ટ્રમાં ૧૯૩૨ કરોડ રૂપિયાનું રોકાણ ધરાવતા ૧૧૭ પ્રોજેક્ટ્સની જાહેરાત કરવામાં આવી છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK