ONGCએ જાહેર કર્યું ૪૦.૨૨ અબજ રૂપિયાનું બાયબૅક

Published: 25th December, 2018 14:08 IST

ઑઇલ ઍન્ડ નૅચરલ ગૅસ કૉર્પોરેશન (ONGC)ના બોર્ડ ઑફ ડિરેક્ટર્સે કુલ ૪૦.૨૨ અબજ રૂપિયાના મૂલ્યના ૨૫૨.૯ મિલ્યન શૅરને બાયબૅક કરવાની મંજૂરી આપી છે

ઓએનજીસી
ઓએનજીસી

આ સરકારી કંપનીએ ગઈ કાલે નિયમનકારી ફાઇલિંગમાં જણાવ્યા મુજબ એના બોર્ડે પ્રતિ શૅર ૧૫૯ રૂપિયાના ભાવે કંપનીના ૧.૯૭ ટકા શૅરને બાયબૅક કરવાની મંજૂરી આપી છે.

નોંધનીય છે કે સરકાર કોલ ઇન્ડિયા, ભારત હેવી ઇલેક્ટ્રિકલ્સ અને ઑઇલ ઇન્ડિયા લિમિટેડ જેવી સરકારી કંપનીઓના શૅરના બાયબૅક દ્વારા ૫૦ અબજ રૂપિયા ઊભા કરવા માગે છે. ઇન્ડિયન ઑઇલ કૉર્પોરેશને ગયા સપ્તાહે જાહેર કર્યું હતું કે એ ૪૪.૩૫ અબજ રૂપિયાના ૨૯૭.૬ મિલ્યન શૅરને બાયબૅક કરશે તથા બીજા ૬૫.૫૬ અબજ રૂપિયા વચગાળાનું ડિવિડન્ડ ચૂકવવા માટે વાપરવામાં આવશે.

બાયબૅક કરવા ઇચ્છુક અન્ય કંપનીઓમાં નૅશનલ હાઇડ્રો પાવર કૉર્પોરેશન, નૅશનલ ઍલ્યુમિનિયમ કંપની, નૈવેલી લિગ્નાઇટ કૉર્પોરેશન, કોચીન શિપયાર્ડનો સમાવેશ થાય છે. એનાથી સરકારને આશરે ૩૦ અબજ રૂપિયા મળશે. ઑઇલ ઇન્ડિયાએ ગયા મહિને ૧૦.૮૫ અબજ રૂપિયાના મૂલ્યના શૅરનું બાયબૅક જાહેર કર્યું હતું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK