નિફ્ટીમાં ૫૭૦૩ ઉપર રૂખ તેજીની

Published: 19th October, 2012 06:12 IST

૫/૧૦થી શરૂ થયેલા પ્રત્યાઘાતી ઘટાડાની ચાલમાં નિફ્ટી નીચામાં બે વખત ૫૬૩૪ પાસેથી પાછી ફરતાં અને ગુરુવારે બૅન્ક નિફ્ટીએ ૧૧,૪૩૦ અને ૧૧,૫૪૦ એમ બે મહત્વની પ્રતિકારક સપાટીઓ એકસાથે કુદાવતાં અને નિફ્ટી પણ ૫૭૩૨ ઉપર બંધ રહેતાં બજાર પ્રત્યાઘાતી ઘટાડાના તબક્કામાંથી બહાર આવી ૫/૧૦ની સપાટી ટેસ્ટ કરવા તરફ જઈ રહ્યું છે, કારણ કે તમામ સૂચકઅંકો ટૂંકા ગાળાની ઍવરેજ ઉપર બંધ આપી ચૂક્યા છે. હવે એક્સ્પાયરીને માત્ર પાંચ દિવસ અને આજે સપ્તાહનો આખરી દિવસ હોવાથી અફરાતફરીનું પ્રમાણ વધતું જોવા મળશે.



સ્ક્રિપ-સ્કોપ - ભરત દલાલ


ગુરુવારે મજબૂત મથાળે બંધ રહેલા ઍક્સિસ, આઇસીઆઇસીઆઇ, સ્ટેટ બૅન્ક તેમ જ રિલાયન્સ કૅપિટલની આગેવાનીએ આજે આરંભમાં તો સુધારાની ચાલ જોવા મળશે, પરંતુ પ્રથમ કલાક પછી બૅન્ક નિફ્ટીમાં ૧૧,૭૧૧ અને ૧૧,૬૩૦ બન્ને સપાટી તૂટતાં બજારમાં તમામ શૅરોમાં તેજીના વેપારમાં નફો બાંધવાની સલાહ છે. અંતિમ કલાકની વધ-ઘટનો લાભ લેવા માટે ૨.૩૦થી ૨.૪૦ દરમ્યાનની વધ-ઘટ ધ્યાનમાં લેવી. બજારે ‘યુ’ ટર્ન લીધો હોવાથી મંદીનો વેપાર સ્ટૉપલૉસ મૂકીને જ કરવો. વર્તમાન ઉછાળો વ્યાજદરમાં ઘટાડો આવવાની આશાએ જોવા મળી રહ્યો છે.

મુંબઈ શૅરબજાર આંકમાં ૧૮,૮૭૦થી ૧૮,૯૧૦ પ્રતિકારક ઝોન છે. ૧૮,૭૨૫ તૂટતાં વેચવાલીના દબાણે ૧૮,૬૧૦ સુધીનો ઘટાડો જોવા મળશે. નિફ્ટીમાં ૫૭૩૨ ઉપર ૫૭૧૦ના સ્ટૉપલૉસે ધ્યાન તેજી રાખવું. ઉપરમાં ૫૭૭૦થી ૫૭૯૦ પ્રતિકારક ઝોન છે. ૫૭૧૦ તૂટતાં ૫૬૭૦.

આઇસીઆઇસીઆઇ

૧૦૫૫ ઉપર ૧૦૭૮થી ૧૦૯૦ વચ્ચે વેચવું. ૧૦૪૩ તૂટતાં રૂખ મંદીની.

ઍક્સિસ બૅન્ક

૧૧૮૭ ઉપર તેજી રૂખે ઉપરમાં ૧૨૨૬ સુધીના ઉછાળામાં વેચવું. ૧૧૮૩ તૂટતાં ૧૧૬૫.

 

રિલાયન્સ કૅપિટલ

૪૫૧ ઉપર ઉછાળામાં ૪૬૬થી ૪૭૧ વચ્ચે લેણમાં નફો કરવો. ૪૪૬ તૂટતાં ૪૩૨નો ભાવ.

ટાઇટન ઇન્ડસ્ટ્રીઝ

૨૮૪ પાસે ૨૮૮ના સ્ટૉપલૉસે વેચવું. ૨૭૭ તૂટતાં ૨૭૦ સુધીનો ઘટાડો જોવા મળશે.

સ્ટેટ બૅન્ક

૨૩૦૫થી ૨૩૧૫ પ્રતિકારક ઝોનમાં લેણમાં નફો કરવો. હવે તેજીધ્યાને ૨૨૫૬નો સ્ટૉપલૉસ અવશ્ય રાખવો.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK