નિફ્ટીમાં ૪૮૫૩ નીચે રૂખ મંદીની

Published: Nov 23, 2011, 09:10 IST

આઠ દિવસની સળંગ મંદી બાદ ગઈ કાલે સહેજ પ્રત્યાઘાતી સુધારો જોવા મળ્યો, જેની આગેવાની ડૉલરની મજબૂતાઈને પગલે સોફ્ટવેર શૅરોએ લીધી હતી અને અન્ય શૅરોમાં મંદીનું ઓળિયું રોલઓવર થવાને કારણે સુધારો જોવા મળ્યો હતો, જે કામકાજની છેલ્લી ૪૦ મિનિટમાં ધોવાઈ ગયો હતો અને નિફ્ટીએ આરંભની નીચી સપાટી પણ તોડી હતી અને છેલ્લે ૪૮૦૮ના મથાળે બંધ રહી હતી.



(સ્ક્રિપ-સ્કોપ - ભરત દલાલ)

આજે પણ રોલઓવરને પગલે સામાન્ય સુધારાની શક્યતા છે જેમાં તેજીનો વેપાર રોલઓવર કરવાને બદલે સરખો કરી નવો વેપાર ડિસેમ્બરના પ્રથમ સપ્તાહમાં કરવાની સલાહ છે. આજનું વર્કિંગ મહત્વનું છે અને ગુરુવારના રોજ આજની ઊંચી સપાટીના સ્ટૉપલૉસે વેચવું. એક નિયમ મુજબ વક્કર જે ઘટવાતરફી છે એની વિરુદ્ધ બજાર બે દિવસ (૨૨-૨૩) જાય પછી પાછું વક્કરને જ અનુસરે છે એ મુજબ ૨૩મીની નીચી સપાટી તૂટતાં ઝડપી ઘટાડાની શક્યતા છે. આજ માટે ૪૮૫૩ નિર્ણાયક સપાટી છે.

મુંબઈ શૅરબજાર આંકમાં ૨૧મીથી સંસદનું શિયાળુસત્ર શરૂ થતાં પ્રતિકૂળ કારણોમાં એકનો વધારો થયો છે. ૧૬,૦૮૦થી ૧૬,૧૯૮ની ટ્રેડિંગ રેન્જ છે અને ઉપરમાં ૧૬,૩૨૬ મુખ્ય પ્રતિકારક સપાટી છે. ૧૫,૯૫૦ તૂટતાં ગભરાટ જોવા મળશે. નિફ્ટી ૪૮૧૦ ટેકાની સપાટી છે જ્યારે ઉપરમાં ૪૮૫૩થી ૪૮૮૦ વચ્ચે લેણમાં નફો કરવો. ૪૮૧૦ નીચે ૪૭૫૫ મહત્વની સપાટી છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK