મ્યુચ્યુઅલ ફન્ડની ઇક્વિટી ઍસેટ્સમાં સતત પાંચમા મહિને પણ ઘટાડો નોંધાયો

Published: 11th November, 2012 05:29 IST

શૅરબજારની અચોક્કસતા અને ઇક્વિટી માર્કેટમાં ઘટી રહેલા વળતરને કારણે સામાન્ય રોકાણકારો મ્યુચ્યુઅલ ફન્ડમાંથી તેમનું ઇન્વેસ્ટમેન્ટ ઘટાડી રહ્યા છે. શૅરબજારમાં જ્યારે પણ ઉછાળો આવે છે ત્યારે રોકાણકારો દ્વારા રિડમ્પ્શનમાં વધારો થાય છે. છેલ્લા સતત પાંચ મહિનાથી ઇક્વિટી મ્યુચ્યુઅલ ફન્ડની ઍસેટ્સમાં ઘટાડો થઈ રહ્યો છે.

ચાલુ નાણાકીય વર્ષમાં એપ્રિલથી ઑક્ટોબર દરમ્યાન ઇક્વિટી ફન્ડમાં ૯૨૫૮ કરોડ રૂપિયાનો નેટ આઉટફ્લો જોવા મYયો છે જે આગલા વર્ષે આ સમયગાળામાં નેટ ઇનફ્લો ૩૭૫૦ કરોડ રૂપિયા જેટલો હતો. ઇક્વિટી સેગમેન્ટમાં છેલ્લા પાંચ મહિનાના નેટ આઉટફ્લોની વિગત જોઈએ.

ઑક્ટોબરમાં નેટ આઉટફ્લો ૧૯૮૪ કરોડ રૂપિયા, સપ્ટેમ્બરમાં ૩૫૫૯ કરોડ રૂપિયા, ઑગસ્ટમાં ૨૨૮૬ કરોડ રૂપિયા, જુલાઈમાં ૯૪૯ કરોડ રૂપિયા અને જૂનમાં ૨૮૬ કરોડ રૂપિયા રહ્યો હતો.