શૅરબજાર રિબાઉન્ડ પરંતુ ગત સત્રના ઘટાડાની રિકવરી કરવામાંન નિષ્ફળ
પ્રતિકાત્મક તસવીર
શુક્રવારે શૅરબજાર રિબાઉન્ડ થયો હતો, પરંતુ ગઈ કાલના ઘટાડા જેટલો કવર થઈ શક્યો નહોતો. બૅન્ચમાર્ક સૂચકાંકોની સાથે વ્યાપક બજારોની પણ આજના વધારા પાછળ મુખ્ય ભૂમિકા રહી હતી.
સેન્સેક્સ 282.29 પોઈન્ટ્સ (0.65 ટકા) વધીને 43,882.25ના સ્તરે બંધ રહ્યો હતો, જ્યારે નિફ્ટી 87.35 પોઈન્ટ્સ (0.68 ટકા) વધીને 12,859.05ના સ્તરે બંધ રહ્યો હતો. બૅન્કિંગ, ફાઈનાન્શિયલ્સ, એફએમસીજી અને આઈટી શૅર્સમાં તેજી જોવા મળી હતી. બૅન્ક નિફ્ટી 332.95 પોઈન્ટ્સ (1.15 ટકા) વધીને 29,236ના સ્તરે બંધ રહ્યો હતો.
ADVERTISEMENT
નિફ્ટી મિડકૅપ ઈન્ડેક્સ 0.85 ટકા અને સ્મોલકૅપ ઈન્ડેક્સ 1.2 ટકા વધ્યો હતો. એચડીએફસી બૅન્ક, બજાજ ફાઈનાન્સ અને બજાજ ફિનસર્વમાં લેવાલી જોવા મળી હતી.
નિફ્ટીના ક્ષેત્રવાર સૂચકાંકોમાં નિફ્ટી મીડિયા અને નિફ્ટી ફાર્મા સૂચકાંક અનુક્રમે 0.92 ટકા અને 0.34 ટકા ઘટ્યા હતા, બાકીના દરેક સૂચકાંક વધારે બંધ રહ્યા હતા.