ઇન્ડિગો ઍરલાઇન્સે ૨૫૦ વિમાનો માટેનો અત્યાર સુધીનો સૌથી મોટો ઑર્ડર આપ્યો
કંપનીએ જણાવ્યા મુજબ દરેક વિમાનના વર્તમાન ભાવને જોતાં એનું કુલ મૂલ્ય ૧.૫૫ લાખ કરોડ રૂપિયા જેટલું થશે. અગાઉ કંપનીએ ૨૦૦૫માં ૧૦૦ અને ૨૦૧૧માં બીજાં ૧૮૦ વિમાનોનો ઑર્ડર આપ્યો હતો. એને ૧૦૦ના ઑર્ડરમાંથી ૯૯ વિમાન મળી ચૂક્યાં છે તથા ૧૮૦ની ડિલિવરી ૨૦૧૫ના અંત ભાગમાં શરૂ થશે. ઍરબસને પણ વિમાનની સંખ્યાની દ્રષ્ટ્રિએ આટલો મોટો ઑર્ડર પહેલી વખત મળ્યો હોવાનું એણે જણાવ્યું છે.
