Closing Bell:જબરદસ્ત ઉછાળા સાથે બંધ થયુ શૅર બજાર, સેન્સેક્સ 724 અંક ઉપર
ફાઈલ તસવીર
આજે સપ્તાહના ચોથા કારોબારી દિવસે શૅર બજાર ભારે ઉછાળા સાથે બંધ થયું છે. બીએસઈના સેન્સેક્સ 724.02 અંક ઉપર 41,340.16ના સ્તર પર અને એનએસઈના નિફ્ટી 211.80 અંક ઉછળીને 12,120.30ના સ્તર પર બંધ થયું. નિફ્ટીના 50 શૅરોમાંથી 48 શૅર લીલા નિશાન અને 2 શૅર લાલ નિશાન પર બંધ થયું છે. બૉમ્બે સ્ટૉક એક્સચેન્જના પ્રમુખ ઈન્ડેક્સ સેન્સેક્સ 499.51 અંક ઉપર 41115.65ના સ્તર પર ખુલ્યું છે. તેમ જ નેશનલ સ્ટૉક એક્સચેન્જના નિફ્ટીની શરૂઆત 143.80 અંકોની તેજી સાથે 12052.30 પર થઈ. છેલ્લા કારોબારી દિવસ સેન્સેક્સ 355.01 અંક વધીને 40,616.14 અને એનએસઈ નિફ્ટી 95 અંક મજબૂત થઈને 11,908.50 અંક પર બંધ થયું.
અમેરિકા રાષ્ટ્રપતિ ચૂંટણીમાં જો બાઈડેનની જીતના સંકેતો વચ્ચે રૂપિયો ગુરૂવારના શરૂઆતના કારોબાર દરમિયાન અમેરિકી ડૉલરના મુકાબલે 40 પૈસા મજબૂત થઈને 74.36 પર બંધ થયું. કારોબારીઓએ કહ્યું કે ભારતીય શૅર બજારમાં તેજી અને અમેરિકા મુ્દ્રાના કમજોર વલણના ચાલતા રૂપિયાને મજબૂતી મળી. ઇન્ટરબેંક વિદેશી મુદ્રા બજારમાં રૂપિયો અમેરિકા ડૉલરના મુકાબલે 74.35 પર ખુલ્યો અને કારોબારના અંતમાં 74.36 પર બંધ થયો, જે છેલ્લે બંધ ભાવના મુકાબલે 40 પૈસાનો વધારો દર્શાવે છે.
ADVERTISEMENT
રૂપિયો બુધવારે 35 પૈસાના ઘટાડા સાથે 10 સપ્તાહના નીચલા સ્તર 74.76 પર બંધ થયો હતો. આની વચ્તે છ પ્રમુખ મુદ્રાઓના મુકાબલે અમેરિકી ડૉલરની સ્થિતિને દર્શાવતા ડૉલર ઈન્ડેક્સ 0.22 ટકા ઘટીને 93.20 પર હતો. શૅર બજારના આંકડા મુજબ વિદેશી સંસ્થાગત રોકાણકારોએ બુધવારે 146.22 કરોડ રૂપિયાના શૅર ખરીદ્યા. આ બધાની વચ્ચે વૈશ્વિક તેલ બેન્ચમાર્ક બ્રેન્ટ ક્રૂડ વાયદા 0.75 ટકા ઘટીને 40.92 અમેરિકી ડૉલર પ્રતિ બેરલ પર આવી ગયો.
