નવો કાયદો : ફૂડ પ્રોડક્ટ્સ સ્ટાન્ડર્ડ વજનના પૅકેજિસમાં વેચવી ફરજિયાત

Published: 6th November, 2011 01:01 IST

સરકારે એક નવો કાયદો ઘડીને પૅકેજ્ડ ફૂડ્સ સ્ટાન્ડર્ડ વેઇટ્સમાં જ વેચવાનું ફરજિયાત કરતી અને એનો ભંગ કરે તો જેલ સહિતની આકરી સજાની જોગવાઈ કરી છે. સરકારે લીગલ મેટ્રોલૉજી (પૅકેજ્ડ કૉમોડિટીઝ) રૂલ્સ ૨૦૧૧માં સુધારા ૨૪ ઑક્ટોબરે નોટિફાય કર્યા હતા. એનો અમલ ૧ જુલાઈ ૨૦૧૨થી થશે.

 

આ સુધારા મુજબ પૂરા દેશમાં સ્ટાન્ડર્ડ પૅકેજિંગ સિસ્ટમ ફૉલો કરવી પડશે. આમ ૧ જુલાઈ ૨૦૧૨ પછી બિસ્કિટ્સ, ચિપ્સ ઇત્યાદિ પ્રોડક્ટ્સ ૧૦૦ ગ્રામ, ૨૦૦ ગ્રામ, ૫૦૦ ગ્રામ અને ૧ કિલોની સ્ટાન્ડર્ડ સાઇઝના પૅકમાં જ વેચવી પડશે એવું ફૂડ ઍન્ડ કન્ઝ્યુમર અર્ફેસ મંત્રાલયમાંના એક સાધને જણાવ્યું હતું. હમણાં આવી ચીજો ૮૮ ગ્રામ અને ૮૯ ગ્રામ જેવા નૉન-સ્ટાન્ડર્ડ પૅકિંગમાં લીડિંગ કન્ઝ્યુમર પ્રોડક્ટ્સ કંપનીઓ વેચતી હોય છે. ભાવ વધારવાના વિકલ્પને બદલે તેઓ પૅકિંગનું વજન ઘટાડીને માર્કેટ શૅર જાળવવા પ્રયત્નશીલ હોય છે. હવે નવા પૅકેજિંગ કાયદામાં ભંગ કરનારને કડક સજાની જોગવાઈ કરવામાં આવી છે. પચીસ હજારથી એક લાખ રૂપિયા સુધીનો દંડ અને બીજી વાર પકડાય તો પેનલ્ટી સાથે એક વર્ષ સુધીની જેલની સજાની જોગવાઈ નવા કાયદામાં છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK