જીએસટીઆર-1 ફાઇલ કરવાની અંતિમ તારીખ 10 જાન્યુઆરી સુધી લંબાવાઈ

Published: Dec 30, 2019, 14:20 IST | Mumbai

સેન્ટ્રલ બોર્ડ ઑફ ઇનડાયરેક્ટ ટૅક્સ ઍન્ડ કસ્ટમ્સ (સીબીઆઇસી)એ માહિતી આપી છે કે જીએસટીઆર-૧ ફાઇલ કરવા માટે ૧૦ જાન્યુઆરી, ૨૦૨૦ સુધી તક છે.

(જી.એન.એસ.) સેન્ટ્રલ બોર્ડ ઑફ ઇનડાયરેક્ટ ટૅક્સ ઍન્ડ કસ્ટમ્સ (સીબીઆઇસી)એ માહિતી આપી છે કે જીએસટીઆર-૧ ફાઇલ કરવા માટે ૧૦ જાન્યુઆરી, ૨૦૨૦ સુધી તક છે. આ માટે કોઈ લેટ ફી નથી. સીબીઆઇસી દ્વારા આપવામાં આવેલી માહિતી મુજબ જો કોઈએ જુલાઈ ૨૦૧૭ થી નવેમ્બર ૨૦૧૯ની વચ્ચે જીએસટીઆર-૧ ફૉર્મ ભર્યું નથી તો તેઓ ૧૦ જાન્યુઆરી, ૨૦૨૦ સુધીમાં ભરી શકે છે. આ માટે તેઓએ લેટ ફી ચૂકવવી પડશે નહીં.

સીબીઆઇસીએ એમ પણ જણાવી દીધું છે કે ૧૦ જાન્યુઆરી, ૨૦૨૦ બાદ જીએસટીઆર-૧ ફૉર્મ ભરવા માટે પ્રતિ સ્ટેટમેન્ટ ૫૦ રૂપિયા પ્રતિ દિવસના હિસાબથી લેટ ફી ભરવી પડશે. મહત્તમ મર્યાદા પ્રતિ સ્ટેટમેન્ટ દીઠ ૧૦,૦૦૦ રૂપિયા હશે માટે, સલાહ આપવામાં આવે છે કે બૅકલોગમાં જીએસટીઆર -૧ ફૉર્મ સમયસર ભરવું. સીબીઆઇસીએ તેના સત્તાવાર ટ્વિટર હૅન્ડલ દ્વારા આ માહિતી પૂરી પાડી છે. બ્લૉક થઈ શકે છે ઈ-વે બિલ.

જો જીએસટીઆર-૧ના જૂના ફૉર્મ ડેડલાઇન દ્વારા ભરવામાં ન આવે તો મોડી ફી સાથે ઈ-વે બિલ પણ અવરોધિત કરી શકાય છે. સરકારે કડક શબ્દોમાં જણાવ્યું છે કે જો જીએસટીઆર-૧ ફૉર્મ યોગ્ય સમયે ભરવામાં ન આવે તો આ પ્રકારનું પગલું લેવામાં આવી શકે છે.

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK