કૉર્પોરેટ સેક્ટર પાસેની રોકડમાં ૧૧૯ ટકાનો ઉછાળો

Published: 6th November, 2011 00:56 IST

છેલ્લાં પાંચ વર્ષમાં શૅરબજારમાં તેજી, મંદી, રિકવરી વગેરે બધા પ્રકારની સ્થિતિ જોવા મળી છે. અગ્રણી બ્રોકરેજ હાઉસ એસએમસી ગ્લોબલ સિક્યૉરિટીઝના રર્પિોટ મુજબ માર્ચ ૨૦૦૭થી માર્ચ ૨૦૧૧ દરમ્યાનના પાંચ વર્ષના સમયગાળામાં કૉર્પોરેટ સેક્ટરનું કુલ માર્કેટ કૅપિટલાઇઝેશન વધ-ઘટે ૨૮ લાખ કરોડ રૂપિયાથી ૬૩ લાખ કરોડ રૂપિયા વચ્ચે રહ્યું છે.

 

જોકે કૉર્પોરેટ સેક્ટર પાસેની રોકડ રકમ અને બૅન્કબૅલેન્સમાં ુસતત વધારો થયો છે. માર્ચ ૨૦૦૭ના અંતે કુલ રોકડ અને બૅન્કબૅલેન્સની રકમ ૫,૩૧,૧૪૨ કરોડ રૂપિયા હતી એ માર્ચ ૨૦૧૧ના અંતે ૧૧૯ ટકા વધીને ૧૧,૬૩,૮૨૧ કરોડ રૂપિયા થઈ છે. માર્ચ ૨૦૦૮ના અંતે આ રકમ ૬,૭૨,૯૯૫ કરોડ રૂપિયા, માર્ચ ૨૦૦૯ના અંતે ૭,૯૬,૧૪૮ કરોડ રૂપિયા અને માર્ચ ૨૦૧૦ના અંતે ૯,૧૦,૭૮૬ કરોડ રૂપિયા થઈ છે.

નવું રોકાણ

ઍનલિસ્ટ્સનું માનવું છે કે અચોક્કસ આર્થિક સ્થિતિને કારણે કૉર્પોરેટ સેક્ટરો નવા પ્રોજેક્ટ્સમાં રોકાણ કરવાનું પસંદ નથી કરતાં. મોટા ભાગની કંપનીઓએ વિસ્તરણની યોજનાઓ મોકૂફ રાખી છે. અર્થતંત્રમાં રિવાઇવલ થયા પછી જ નવું રોકાણ થવાની શક્યતા છે. જોકે વર્લ્ડ ઇકૉનૉમિક ક્રાઇસિસને કારણે ભારતીય કંપનીઓ વિશ્વસ્તરે કંપનીઓ ઍક્વાયર કરી શકશે. ફાઇનૅન્શિયલ ક્રાઇસિસને કારણે ઓછા વૅલ્યુએશને ઍક્વિઝિશન કરી શકાશે. ભારતીય કંપનીઓ પાસે જે લિક્વીડ રોકડ રકમ છે એના દ્વારા આ તક પ્રાપ્ત કરી શકાશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK