° °

આજનું ઇ-પેપર
Friday, 19 August, 2022


ખાદ્ય તેલની ટૅરિફ વૅલ્યુમાં ૨૭૫ ડૉલર સુધીનો ઘટાડો થયો

02 July, 2022 12:58 PM IST | Mumbai
Gujarati Mid-day Correspondent | feedbackgmd@mid-day.com

વૈશ્વિક પામતેલ-સોયાતેલના ભાવ પખવાડિયામાં ઝડપથી તૂટ્યા હોવાથી ટૅરિફ વધુ ઘટી

પ્રતીકાત્મક તસવીર

પ્રતીકાત્મક તસવીર

વૈશ્વિક બજારમાં પામતેલ-સોયાતેલનાં ભાવમાં ઝડપી ઘટાડો થવાને પગલે કેન્દ્ર સરકારે ચાલુ મહિનાના પહેલા પખવાડિયા માટે ખાદ્ય તેલની આયાત ટૅરિફ વૅલ્યુમાં પણ ૨૭૫ ડૉલર પ્રતિ ટનનો ઘટાડો કર્યો છે. ખાદ્ય તેલની ટૅરિફ વૅલ્યુમાં ચાલુ વર્ષમાં પ્રથમ વાર આટલો મોટો ઘટાડો થયો છે જેને પગલે આયાત પડતરમાં પણ ઘટાડો જોવા મળી રહ્યો છે.

કેન્દ્રીય કસ્ટમ વિભાગના નોટિફિકેશન મુજબ ક્રૂડ પામતેલની ટૅરિફ વૅલ્યુમાં ૨૧૯ ડૉલરનો ઘટાડો કરીને ૧૪૦૧ ડૉલર પ્રતિ ટન કરી છે, જે અગાઉ ૧૬૨૦ ડૉલર પ્રતિ ટન હતી. ક્રૂડ પામતેલની ડ્યુટીમાં આટલો ઘટાડો થતાં અસરકાર રીતે પ્રતિ ટન ૯૫૦.૯૫ રૂપિયાનો ઘટાડો થઈને ૬૦૮૩.૪૯ રૂપિયા પ્રતિ ટન થઈ છે, જ્યારે પામોલીનની અસરકાર ડ્યુટીમાં ૨૩૭૭.૩૮ રૂપિયા પ્રતિ ટન ઘટીને ૧૬૮૦૪.૫૧ રૂપિયા પ્રતિ ટન થઈ છે. ક્રૂડ પામોલીનની ટૅરિફ વૅલ્યુમાં ૨૧૯ ડૉલરનો ઘટાડો થઈને ૧૫૪૫ ડૉલર પ્રતિ ટન થઈ છે. જ્યારે રિફાઇન્ડ પામતેલની ટૅરિફ વૅલ્યુમાં ૨૭૫ ડૉલરનો ઘટાડો થઈને ૧૪૮૨ ડૉલર પ્રતિ ટનની ટૅરિફ વૅલ્યુ થઈ છે.

સોયાબીનની ટૅરિફ વૅલ્યુમાં ૨૫૯ ડૉલર પ્રતિ ટનનો ઘટાડો કરીને ૧૫૭૨ ડૉલર પ્રતિ ટનની કરી છે જેને કારણે ઘરઆંગણે સોયાબીનની અસરકારક ડ્યુટીમાં પ્રતિ ટન ૧૧૨૪.૬૪ રૂપિયા પ્રતિ ટનનો ઘટાડો થઈને ૬૮૨૬.૦૨ રૂપિયા થઈ છે.

તેલીબિયાંનાં વિવિધ સંગઠનો દ્વારા એક બાજુ કેન્દ્ર સરકાર સમક્ષ ખાદ્ય તેલની આયાત ડ્યુટીમાં વધારો કરવાની માગણી કરવામાં આવી રહી છે ત્યારે બીજી તરફ કસ્ટમ વિભાગ ટૅરિફ વૅલ્યુમાં ઘટાડો કરતું હોવાથી સરેરાશ ખાદ્ય તેલની આયાત પડતર નીચી આવી ગઈ છે.

02 July, 2022 12:58 PM IST | Mumbai | Gujarati Mid-day Correspondent

અન્ય લેખો

ઍ​​ક્ટિવ ફન્ડની કામગીરી પર એક નજર

છેલ્લા એક વર્ષમાં કયા ઍ​ક્ટિવ ફન્ડની કામગીરી કેવી રહી? કોણે કેવું વળતર આપ્યું? કઈ સ્કીમ સારી-નરસી રહી એ જોઈએ, જેનાથી વિવિધ કૅટેગરીની કામગીરીનો ખ્યાલ મળશે. જોકે છેલ્લા એકાદ મહિનામાં ચિત્ર બદલાતું રહ્યું હોવાથી એ પરિવર્તનને પણ ધ્યાનમાં લેવું જોઈશે

18 August, 2022 03:11 IST | Mumbai | Jayesh Chitalia

કૉમન ચાર્જરના અમલ માટે એક્સપર્ટ ગ્રુપની રચના કરાશે

ઉદ્યોગના હિતધારકો સાથેની બેઠકમાંથી બહાર આવતાં, સચિવે જણાવ્યું હતું કે ભારત શરૂઆતમાં સી-ટાઇપ પોર્ટ સહિત બે પ્રકારનાં ચાર્જર્સ તરફ સ્થળાંતર કરવાનું વિચારી શકે છે.

18 August, 2022 03:09 IST | Mumbai | Gujarati Mid-day Correspondent

રીટેલ બિઝનેસ ગ્રોથ પ્રી-કોવિડ સ્તરની તુલનાએ ૧૮ ટકા વધ્યો

રીટેલર્સ અસોસિએશન ઑફ ઇન્ડિયાના તાજેતરના વ્યવસાય સર્વેક્ષણ મુજબ, પૂર્વ ભારતમાં ગયા મહિને વાર્ષિક ધોરણે સૌથી વધુ ૨૫ ટકા વૃદ્ધિ જોવા મળી હતી, ત્યાર બાદ દક્ષિણમાં ૨૧ ટકા, ઉત્તરમાં ૧૬ ટકા અને પશ્ચિમ ભારતમાં ૧૦ ટકાનો ગ્રોથ જોવા મળ્યો હતો.

18 August, 2022 03:05 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK