સેન્સેક્સ આજે 287.16 પોઈન્ટ અથવા 0.48 ટકાના ઘટાડા સાથે 59,348.85 પર ખુલ્યો હતો.
પ્રતીકાત્મક તસવીર
સપ્તાહનો પહેલો દિવસ સોમવાર શેરબજાર માટે સારો રહ્યો નથી. શરૂઆતથી BSEના 30 શેર ધરાવતા સેન્સેક્સ અને NSEનો નિફ્ટી લાલ નિશાનમાં વેપાર કરવાનું ચાલુ રાખ્યું છે. BSE સેન્સેક્સ ટ્રેડિંગના અંતે 1170 પોઈન્ટ ઘટીને બંધ થયો હતો, જ્યારે NSE નિફ્ટી 348 પોઈન્ટ ઘટીને બંધ થયો હતો.
સેન્સેક્સ આજે 287.16 પોઈન્ટ અથવા 0.48 ટકાના ઘટાડા સાથે 59,348.85 પર ખુલ્યો હતો અને ટ્રેડિંગના અંત સુધી સતત ઘટાડો ચાલુ રહ્યો હતો. દિવસના ટ્રેડિંગ દરમિયાન, તે 1333.88 પોઈન્ટ અથવા 2.24 ટકા ઘટીને 58,302.13ના સ્તરે પહોંચ્યો હતો. જોકે, ટ્રેડિંગના અંતે સેન્સેક્સ થોડો સુધર્યો હતો અને 1170 પોઈન્ટ ઘટીને 58,465.89 પર બંધ થયો હતો.
ADVERTISEMENT
એનએસઈના નિફ્ટી માટે પણ આજનો દિવસ ખરાબ રહ્યો હતો અને નિફ્ટી પણ નબળી શરૂઆત કર્યા બાદ રિકવર થઈ શક્યો નહીં. બજારની શરૂઆતમાં નિફ્ટી 87.35 પોઈન્ટ અથવા 0.49 ટકાના ઘટાડા સાથે 17,677.45 પર ખુલ્યો હતો. તે પછી જેમ-જેમ દિવસ આગળ વધતો ગયો તેમ-તેમ તેમાં ઘટાડો થયો હતો. ટ્રેડિંગ દરમિયાન નિફ્ટી 392.45 પોઈન્ટ અથવા 2.41 ટકા ઘટીને 17372.35ની નીચી સપાટીએ પહોંચી ગયો હતો. કારોબારના અંતે નિફ્ટી 348 પોઈન્ટના ઘટાડા સાથે 17,416 પર બંધ રહ્યો હતો.
ગુરુવારે છેલ્લા ટ્રેડિંગ દિવસે શેરબજાર ઘટાડા સાથે બંધ થયું હતું. સ્થાનિક શેરબજારની સાથે એશિયન માર્કેટમાં પણ ઘટાડો જોવા મળ્યો હતો. ગુરુવારે બીએસઈનો ઈન્ડેક્સ સેન્સેક્સ 372.32 પોઈન્ટ ઘટીને 59,636.01 પર અને નિફ્ટી 133.85 પોઈન્ટ ઘટીને 17,764.80 પર બંધ થયા હતા.
