° °

આજનું ઇ-પેપર
Wednesday, 22 September, 2021


સોયાબીન વાયદામાં સટ્ટો રોકવા માર્જિન બમણું કરવા સોપાની માગણી

27 July, 2021 01:01 PM IST | Mumbai | Gujarati Mid-day Correspondent

સોયાબીન વાયદો સંપૂર્ણ સટોડિયાના હાથમાઃ ભાવ સાત સેશનમાં ૨૨ ટકા વધ્યા, એક્સચેન્જને પત્ર લખ્યો

પ્રતીકાત્મક તસવીર

પ્રતીકાત્મક તસવીર

સોયાબીન વાયદામાં આસમાની ઊંચા ભાવને જોઈને હવે ટ્રેડ નારાજ થયું છે. દેશની અગ્રણી તેલીબિયાં સંસ્થા સોયાબીન પ્રોસેસર્સ અસોસિએશન ઑફ ઇન્ડિયા (સોપા)એ  એનસીડેક્સને પત્ર લખીને સોયાબીન વાયદામાં ખોટી તેજીને રોકવા જરૂરી પગલાં અને માર્જિનમાં બમણો વધારો કરવાની માગણી કરી છે. સોયાબીન વાયદો છેલ્લાં સાત જ ટ્રેડિંગ સેશનમાં ૨૨ ટકા વધી ગયો છે.

સોપાના ચૅરમૅન ડૉ. ડેવીશ જૈને એનસીડેક્સના મૅનેજિંગ ડિરેક્ટર અરુણ રાસ્તેને એક પત્ર લખીને સોયાબીનની ખોટી તેજી અંગે વાકેફ કર્યા હતા. તેમણે પત્રમાં લખ્યું છે કે સોયાબીન વાયદો સંપૂર્ણપણે સટોડિયાએ હાથમાં લઈ લીધો છે. વાયદો પ્રાઇસ ડિસ્કવરી કે હેજિંગ માટે બચ્યો નથી. સોયા પ્રોસેસિંગ ઇન્ડસ્ટ્રીઝ અને પૉલ્ટ્રી ફાર્મ કે જે સૌથી વધુ સોયા ખોળનો ઉપયોગ કરે છે એને સટ્ટાકીય પ્રવૃત્તિ વધવાને કારણે મોટો પાયે નુકસાન થયું છે.

તેમણે વધુમાં લખ્યું છે કે છેલ્લાં સાત ટ્રેડિંગ સેશનમાં જ સોયાબીન વાયદો ૨૧.૭૭ ટકા વધી ગયો છે અને ચાર વાર અપર સર્કિટ પણ લાગુ પડી ગઈ છે. સોયાબીનની સપ્લાય-ડિમાન્ડનો સિનારિયો પણ કોઈ પણ રીતે આ ભાવ સાથે મૅચ થતો નથી. એનસીડેક્સમાં કોઈ જ ફિઝિકલ સ્ટૉક પણ નથી, પરિણામે વધુ સટ્ટાની સંભાવના છે.

ઉપરોક્ત સ્થિતિમાં સોપાએ એક્સચેન્જને વિનંતી કરી છે કે તાત્કાલિક અસરથી સોયાબીનના લીન સીઝનના વાયદામાં માર્જિન મની ૨૫ ટકાથી વધારીને ૫૦ ટકા કરવામાં આવે એ જરૂરી છે. આ ઉપરાંત આ સમયગાળામાં સર્કિટ લિમિટ પણ ઘટાડીને બે ટકા કરી દેવી જોઈએ.

ઉલ્લેખનીય છે કે સોયાબીનમાં તેજીને પગલે સોયા ખોળના ભાવ પણ આસમાને પહોંચ્યા છે અને ટનના ભાવ વધીને ૭૫,૦૦૦ની ઑલટાઇમ ઊંચી સપાટી પર પહોંચ્યા છે. વરસાદ ખેંચાયો હોવાથી સોયાબીનનું વાવેતર પણ ગત વર્ષની તુલનાએ ઓછું થયું છે.

 

 

27 July, 2021 01:01 PM IST | Mumbai | Gujarati Mid-day Correspondent

અન્ય લેખો

અદાણી ગ્રુપ ૨૦ અબજ ડૉલરના રોકાણ સાથે હાઇડ્રોજનના ઉત્પાદનમાં ઝુકાવશે

મોટા ભાગના લોકો મુકેશ અંબાણીની ૨૪ જૂનની જાહેરાતને અદાણી સાથેની સીધી સ્પર્ધા તરીકે જુએ છે

22 September, 2021 03:52 IST | Mumbai | Gujarati Mid-day Correspondent

સેબીએ રિલાયન્સ ઇન્ડસ્ટ્રીઝ વિરુદ્ધની અસત્ય ડિસ્ક્લોઝર સામેની કાર્યવાહી પડતી મૂકી

સેબીએ કંપની પર મુખ્યત્વે બે ભૂમિકાને આધારે પૅનલ્ટી લાદી નથી

22 September, 2021 03:50 IST | Mumbai | Gujarati Mid-day Correspondent

રીટેલ ડિપોઝિટરોને વ્યાજ પરના કરમાં રાહત આપો : એસબીઆઇ

અત્યારે સિસ્ટમમાં ૧૦૨ લાખ કરોડ રૂપિયાથી અધિક રીટેલ ડિપોઝિટ્સ સિસ્ટમમાં છે

22 September, 2021 03:48 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK