દેશની વેપારખાધમાં વધારો થયો હોવાથી રૂપિયો એક સપ્તાહના તળિયે પહોંચ્યો હતો
પ્રતીકાત્મક તસવીર
રિઝર્વ બૅન્કની ધિરાણ નીતિ શુક્રવારે જાહેર થાય એ પહેલાં રૂપિયામાં સતત બીજા દિવસે ઘટાડો જોવા મળ્યો હતો. શૅરબજારમાં નરમાઈ અને ક્રૂડ તેલના ભાવ ઘટતા અટક્યા હોવાથી રૂપિયામાં ગુરુવારે ૩૧ પૈસાનો ઘટાડો જોવા મળ્યો હતો. ભારતીય રૂપિયો ડૉલર સામે ૭૯.૨૪ની સપાટી પર ખૂલ્યો હતો અને દિવસ દરમ્યાન વધીને ૭૯.૮૨ સુધી પહોંચ્યા બાદ દિવસના અંતે ૭૯.૪૮ પર બંધ રહ્યો હતો. બુધવારે રૂપિયો ૭૯.૧૭ પર બંધ રહ્યો હતો.
દેશની વેપારખાધમાં વધારો થયો હોવાથી રૂપિયો એક સપ્તાહના તળિયે પહોંચ્યો હતો. બીજી તફ જિયોપૉલિટિકલ અનિશ્ચિતતા વચ્ચે ડૉલરની માગ પણ વધી હોવાથી ડૉલર મજબૂત બનતાં રૂપિયામાં ઘસારો આવ્યો હતો. જોકે દિવસ દરમ્યાન આજે રાષ્ટ્રીયકૃત બૅન્કો દ્વારા ડૉલરની વેચવાલી પણ કરવામાં આવી હતી, જેનાથી સપોર્ટ મળ્યો હતો.
