વાણિજ્ય મંત્રાલયે ચીન ઉપરાંત તાઇવાનથી પણ આયાત પર ડ્યુટીની ભલામણ કરી
પ્રતીકાત્મક તસવીર
વાણિજ્ય મંત્રાલયે સ્થાનિક ખેલાડીઓને સસ્તી આયાતથી બચાવવા માટે ચીન અને તાઇવાનથી આવતી વિનાઇલ ટાઇલ્સ પર પાંચ વર્ષ માટે ઍન્ટિ-ડમ્પિંગ ડ્યુટી લાદવાની ભલામણ કરી છે.
ડિરેક્ટરેટ જનરલ ઑફ ટ્રેડ રેમેડીઝ (ડીજીટીઆર)એ એની તપાસમાં તારણ કાઢ્યા બાદ આ દેશોમાંથી ‘વિનાઇલ ટાઇલ્સ સિવાયના રોલ કે શીટ સ્વરૂપે’ની આયાત પર ડ્યુટીની ભલામણ કરી છે કે ઉત્પાદનની ભારતમાં ડમ્પ કિંમતે નિકાસ કરવામાં આવી છે, જેની અસર ઘરેલું ઉદ્યોગ પર થાય છે.
ડિરેક્ટરેટે એક નોટિફિકેશનમાં જણાવ્યું છે કે ઑથોરિટી આયાત પર પાંચ વર્ષ માટે ઍન્ટિ-ડમ્પિંગ ડ્યુટી લાદવાની ભલામણ કરે છે. બજારની ભાષામાં આ ટાઇલ્સને લક્ઝરી વિનાઇલ ટાઇલ્સ અથવા પીવીસી ફ્લોરિંગ ટાઇલ્સ તરીકે ઓળખવામાં આવે છે. એ કુદરતી સામગ્રીના દેખાવની નકલ કરે છે. એનો ઉપયોગ રહેણાક અને વ્યાપારી ઇમારતોમાં માળને આવરી લેવા માટે થાય છે. ભલામણ કરેલ ડ્યુટી પ્રતિ ચોરસ મીટર ૨.૦૫ ડૉલર અને ૧.૪૪ ડૉલર પ્રતિ ચોરસ મીટર છે. ડ્યુટી લાદવાનો અંતિમ નિર્ણય નાણામંત્રાલય લે છે. વર્લ્ડ ટ્રેડ ઑર્ગેનાઇઝેશન શાસન હેઠળ ઍન્ટિ-ડમ્પિંગ ડ્યુટી લાદવાની મંજૂરી છે.