Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > બિઝનેસ સમાચાર > દેશમાં ચણાની એમએસપીથી ખરીદી નિરસ

દેશમાં ચણાની એમએસપીથી ખરીદી નિરસ

13 April, 2021 10:08 AM IST | Mumbai
Gujarati Mid-day Correspondent | feedbackgmd@mid-day.com

સૌથી વધુ મહારાષ્ટ્રમાંથી ૭૬,૦૦૦ ટનની ખરીદી થઈ, મહારાષ્ટ્ર-ગુજરાત સિવાયનાં રાજ્યોમાંથી ઓછી ખરીદી

ચણા

ચણા


દેશમાં મુખ્ય રવી પાક એવા ચણાની એમએસપીથી ખરીદીમાં આ વર્ષે નિરસતા જોવા મળી રહી છે. કોરોનાના કેસમાં સતત વધારો અને સરકાર દ્વારા ખેડૂતો પાસેથી અપૂરતી ખરીદી થઈ રહી હોવાથી આ વર્ષે ચણાની ખરીદી ખૂબ જ ઓછી થઈ રહી છે. દેશમાં ખરીદીને એક મહિનાનો સમય વીતવા આવ્યો હોવા છતાં હજી સુધી માત્ર ૧.૮૦ લાખ ટનની જ ખરીદી કરવામાં આવી છે.

નાફેડના સત્તાવાર આંકડાઓ પ્રમાણે દેશમાં ૭ એપ્રિલ સુધીમાં ચણાની સૌથી વધુ ખરીદી મહારાષ્ટ્રમાંથી ૭૬,૦૦૦ ટન થઈ છે જ્યારે બીજા નંબરે ગુજરાતમાંથી ૬૫,૦૦૦ ટનની થઈ છે. એ સિવાયનાં તમામ રાજ્યોમાં ખરીદી ૧૫,૦૦૦ ટનની અંદર જ છે, જેને પગલે કુલ ખરીદીનો આંકડો બે લાખ ટને પણ પહોંચ્યો નથી. સરકારે સમગ્ર દેશમાંથી આ વર્ષે ૨૦ લાખ ટન ઉપર ટેકાના ભાવથી ખરીદી કરવાનો લક્ષ્યાંક રાખ્યો છે.



નાફેડે ગુજરાત-મહારાષ્ટ્ર ઉપરાંત આંધ્ર પ્રદેશમાંથી ૪૦૫૩ ટન, તેલંગણામાંથી ૧૧,૫૨૦ ટન, કર્ણાટકમાંથી ૧૪,૯૧૬ ટન, મધ્ય પ્રદેશમાંથી ૫૭૩૦ ટન અને રાજસ્થાનમાંથી ૧૯૭૪ ટનની જ ખરીદી કરી છે. મધ્ય પ્રદેશ અને રાજસ્થાનમાંથી ચણાની ખરીદી મોડી શરૂ થઈ છે અને હવે કોરોનાના કેસ સતત વધી રહ્યા હોવાથી અનેક શહેરમાં આંશિક લૉકડાઉન આવી ગયું છે, જેની અસર પણ ચણાની ખરીદી ઉપર જોવા મળી રહી છે.


Whatsapp-channel Whatsapp-channel

13 April, 2021 10:08 AM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK