સરકારી વીમા કંપનીનું ૧૭મીએ શૅરબજારમાં લિસ્ટિંગ થશે
પ્રતીકાત્મક તસવીર
દેશની સૌથી મોટી વીમા કંપની એલઆઇસીના ૧૭ મેના રોજ લિસ્ટિંગ પહેલાં સરકારે તેના શૅરની ઇશ્યુ કિંમત ૯૪૯ ફિક્સ કરી છે, જે આઇપીઓની પ્રાઇસ બૅન્ડના ઉપલા સ્તરના ભાવ છે. જોકે એલઆઇસી પૉલિસીધારકો અને રીટેલ રોકાણકારોને અનુક્રમે ૮૮૯ રૂપિયા અને ૯૦૪ રૂપિયાના ભાવથી શૅર મળ્યા છે.
એલઆઇસીનો ઇશ્યુ ૯ મેના રોજ બંધ થયો હતો અને વીમા કંપનીએ ૧૨મીએ શૅરનું અલોટમેન્ટ કર્યું હતું, હવે આગામી ૧૭ મેના રોજ તેનું લિસ્ટિંગ થવાનું છે. સરકાર વીમા કંપનીમાંથી ૨૨.૧૩ કરોડ શૅર અથવા તો ૩.૫ ટકા જેટલો હિસ્સો આઇપીઓ મારફતે વેચાણ કરશે. ઇશ્યુ ત્રણગણો ભરાયો હતો.