NSEના ઇલેક્ટ્રિસિટી ફ્યુચર્સ કૉન્ટ્રૅક્ટ્સ દેશની પાવર માર્કેટ માટે બની રહ્યા છે મહત્ત્વનાં બેન્ચમાર્ક

ફિઝિકલ અને ફ્યુચર્સ માર્કેટના ભાવ વચ્ચેનો આ સુમેળ ભારતના વીજવેપાર ઇકોસિસ્ટમની વધતી પરિપકવતા અને એકીકરણને દર્શાવે છે

ફાઇલ તસવીર

નૅશનલ સ્ટૉક એક્સચેન્જ (NSE)ના ઇલેક્ટ્રિસિટી ફ્યુચર્સ કૉન્ટ્રૅક્ટ્સ હવે ધીમે-ધીમે ભારતીય વીજબજારમાં ભાવનિર્ધારણ માટેના એક મહત્ત્વપૂર્ણ બેન્ચમાર્ક તરીકે સ્વીકારવામાં આવી રહ્યા છે.
ફિઝિકલ અને ફ્યુચર્સ માર્કેટના ભાવ વચ્ચેનો આ સુમેળ ભારતના વીજવેપાર ઇકોસિસ્ટમની વધતી પરિપકવતા અને એકીકરણને દર્શાવે છે. થોડા જ સમયમાં NSE ઇલેક્ટ્રિસિટી ફ્યુચર્સ કૉન્ટ્રૅક્ટ એક વિશ્વસનીય ફૉર્વર્ડ પ્રાઇસ ઇન્ડિકેટર તરીકે ઊભર્યો છે જે ખરીદદારો અને વેચાણકારોને ટર્મ-અહેડ કરારો માટે ખરીદી અને હેજિંગ સંબંધિત નિર્ણય લેવામાં મદદ કરે છે.

ફિઝિકલ બજારની ઑક્શન કિંમતો અને એક્સચેન્જ-ટ્રેડેડ ફ્યુચર્સ કૉન્ટ્રૅક્ટ વચ્ચેનો આ ઘનિષ્ઠ સંબંધ દર્શાવે છે કે બજાર-સહભાગીઓ હવે NSEના ઇલેક્ટ્રિસિટી ફ્યુચર્સને ફિઝિકલ TAM ડીલ્સ માટે રેફરન્સ બેન્ચમાર્ક તરીકે ઉપયોગમાં લેવા લાગ્યા છે જે ભારતના પાવર ટ્રેડિંગ ઇકોસિસ્ટમની વિકસતી પરિપકવતાનું દ્યોતક છે.

ADVERTISEMENT

NSEમાં ઇલેક્ટ્રિસિટી ડેરિવેટિવ્ઝની શરૂઆતથી જ પારદર્શિતામાં વધારો થયો છે, જોખમ વ્યવસ્થાપન વધુ કાર્યક્ષમ બન્યું છે અને ફિઝિકલ તથા નાણાકીય બજાર માટે સંયુક્ત બેન્ચમાર્ક તૈયાર થયો છે.

NSE ભારતના ઇલે​ક્ટ્રિસિટી માર્કેટને વધુ ઊંડાણ આપવાના પોતાના સંકલ્પ માટે પ્રતિબદ્ધ છે. નવીનતા, પારદર્શિતા અને કાર્યક્ષમતાના માધ્યમથી અને ‘વન નેશન, વન ગ્રીડ, વન પ્રાઇસ’ના રાષ્ટ્રીય વિઝનને સાકાર કરવા માટે સતત પ્રયત્નશીલ છે.