° °

આજનું ઇ-પેપર
Sunday, 22 May, 2022


દેશમાં ચણાની એમએસપી ખરીદી ૧૫ લાખ ટનને પાર પહોંચી ગઈ

12 May, 2022 03:26 PM IST | Mumbai
Gujarati Mid-day Correspondent | feedbackgmd@mid-day.com

દેશમાં સૌથી વધુ એમએસપીથી ખરીદી મહારાષ્ટ્રમાંથી પાંચ લાખ ટનની ઉપર પહોંચી

પ્રતીકાત્મક તસવીર

પ્રતીકાત્મક તસવીર

દેશમાં ચણાની એમએસપી (મિનિમમ સપોર્ટ પ્રાઇસ) ટેકાના ભાવથી ખરીદી ચાલુ વર્ષે અત્યાર સુધીમાં ૧૫ લાખ ટનને પાર પહોંચી ગઈ છે. કેન્દ્ર સરકારે જાહેર કરેલા ટેકાના ભાવ કરતાં ખુલ્લા બજારમાં નીચા ભાવ ચાલતા હોવાથી ખેડૂતોની પહેલી પસંદગી સરકારી એજન્સીઓ રહી છે. ચાલુ વર્ષે ચણાની સૌથી વધુ ખરીદી સરકારી એજન્સીઓ મહારાષ્ટ્રમાંથી કરી છે, જ્યારે બીજા નંબરે ગુજરાતનો સમાવેશ થાય છે.

સરકારી એજન્સી નાફેડનાં સૂત્રોનાં જણાવ્યાં પ્રમાણે દેશમાં નવમી મે સુધીની સરકારી ખરીદી કુલ ૧૫.૧૦ લાખ ટને પહોંચી છે, જેમાં સૌથી વધુ ખરીદી મહારાષ્ટ્રમાંથી થઈ છે. મહારાષ્ટ્રમાંથી નાફેડ દ્વારા કુલ ૪.૬૦ લાખ ટન અને એફસીઆઇ દ્વારા ૪૮,૨૮૫ ટનની ખરીદી કરવામાં આવી છે. આમ કુલ મળીને ૫.૦૫ લાખ ટનની ખરીદી થઈ છે.

ગુજરાતમાંથી નાફેડ વતી રાજ્યની સહકારી સંસ્થા ગુજકોમાસોલ દ્વારા ખરીદી થાય છે અને ગુજકોમાસોલે કુલ ૪.૭૧ લાખ ટનની ખરીદી કરી છે. ગુજરાતમાં કેન્દ્ર સરકારે કુલ ૫.૩૬ લાખ ટનની મંજૂરી આપી છે, જે અગાઉ ૪.૬૫ લાખ ટનની મંજૂરી આપી હતી. આમ ગુજરાતમાં ચણાની ખરીદી હજી પણ ચાલુ રહેશે. જોકે રાજ્ય સરકારે ૨૯ મે સુધી ચણાની ખરીદી ચાલુ રાખવાની સત્તાવાર રીતે જાહેરાત કરી હતી, પરંતુ લક્ષ્યાંક એ પહેલાં પૂર્ણ થાય તો ખરીદી વહેલી પૂર્ણ થઈ શકે છે.

નાફેડે મધ્ય પ્રદેશમાંથી કુલ ૩.૨૫ લાખ ટન, રાજસ્થાનમાંથી ૭૫,૦૦૦ ટન, કર્ણાટકમાંથી ૭૨,૨૫૩ ટનની ખરીદી કરી છે, જ્યારે આંધ્ર પ્રદેશમાંથી ૫૪,૫૬૬ ટન અને ઉત્તર પ્રદેશમાંથી સૌથી ઓછી ૩૭૯૭ ટનની ખરીદી કરી છે.  

કેન્દ્ર સરકારે ચણાના ટેકાના ભાવ આ વર્ષે ૫૨૩૦ રૂપિયા પ્રતિ ક્વિન્ટલ જાહેર કર્યા છે, જેની તુલનાએ ખુલ્લા બજારમાં ચણાના ભાવ ૪૫૦૦થી ૪૮૦૦ રૂપિયા વચ્ચે પ્રતિ ટન ચાલી રહ્યા છે, જેને પગલે સરેરાશ ચણાની બજારમાં સરકારી ખરીદીનો આ વર્ષે દબદબો રહ્યો છે. આગામી દિવસોમાં સરકારની ખરીદી જ્યાં સુધી ચાલુ રહેશે ત્યાં સુધી ખેડૂતો માલ આપતા રહે એવી ધારણા છે.

12 May, 2022 03:26 PM IST | Mumbai | Gujarati Mid-day Correspondent

અન્ય લેખો

News In Short: શૅરબજારમાં સંભવિત કાર્ટેલાઇઝેશન વિશે નાણાપ્રધાને ચિંતા વ્યક્ત કરી

દેશ માટે કાર્ટેલાઇઝેશન પડકાર બની રહેશે

21 May, 2022 01:52 IST | Mumbai | Gujarati Mid-day Correspondent

રેરાના અમલને થયાં પાંચ વર્ષ : બ્રોકરોએ રજિસ્ટ્રેશનનું નવીનીકરણ કરાવવાનું રહેશે

રિયલ એસ્ટેટનો બ્રોકિંગ બિઝનેસ વાર્ષિક આશરે ૧૮,૦૦૦ કરોડ રૂપિયાનો છે

21 May, 2022 01:45 IST | Mumbai | Parag Shah

સુપ્રીમનો ચુકાદો ‘વન નેશન-વન ટૅક્સ’ને કોઈ અસર નહીં કરે : સરકાર

તરુણ બજાજે કહ્યું કે રાજ્યોને કાઉન્સિલની ભલામણ સ્વીકારવાનો-નકારવાનો અધિકાર

21 May, 2022 01:37 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK