° °

આજનું ઇ-પેપર
Monday, 26 September, 2022


કાંદાની મંદી રોકવા બે લાખ ટન સરકારી ખરીદીની માગણી

20 September, 2022 04:42 PM IST | Mumbai
Gujarati Mid-day Correspondent | feedbackgmd@mid-day.com

મહારાષ્ટ્ર સરકારે કેન્દ્રને પત્ર લખીને દરમ્યાનગીરી કરવા કહ્યું: કાંદાના ભાવ ઝડપથી તૂટતાં ખેડૂતોને મોટી નુકસાની

પ્રતીકાત્મક તસવીર

પ્રતીકાત્મક તસવીર

કાંદાના ભાવ સામાન્ય રીતે આ સમયે આસમાને પહોંચતા હોય છે, પરંતુ આ વર્ષે પાક મોટો હોવાથી ઊલટી સ્થિતિ છે અને ભાવ સતત તૂટી રહ્યા છે, જેને પગલે મહારાષ્ટ્રની સરકારે કેન્દ્ર સરકાર સમક્ષ કાંદાની બે લાખ ટનની ખરીદી શરૂ કરવાની માગણી કરી છે.

કાંદાના ભાવમાં ઘટાડો અને ખેડૂતોમાં વધતા નાણાકીય તણાવ સાથે મહારાષ્ટ્ર સરકારે કેન્દ્રીય ખાદ્ય અને જાહેર વિતરણ પ્રધાન પીયૂષ ગોયલને એની એજન્સી નૅશનલ ઍગ્રિકલ્ચરલ કો-ઑપરેટિવ માર્કેટિંગ ફેડરેશન ઑફ ઇન્ડિયા (નાફેડ) દ્વારા સમગ્ર રાજ્યમાં લગભગ બે લાખ ટન કાંદા ખરીદવા વિનંતી કરી છે. જોકે, સીએમઓના નિવેદનમાં કાંદાના વર્તમાન વેચાણભાવ વિશે કંઈ પણ ઉલ્લેખ કરવામાં આવ્યો નથી.

નાફેડ દ્વારા ચાલુ વર્ષે સમગ્ર દેશમાંથી કુલ ૨.૫૦ લાખ ટન કાંદાની ખરીદી કરવામાં આવી હતી, જે ગત વર્ષની તુલનાએ ૫૦,૦૦૦ ટન વધારે છે. મહારાષ્ટ્ર સરકારે વર્તમાન ભાવની સ્થિતિને ધ્યાનમાં રાખીને અત્યારે માત્ર મહારાષ્ટ્રમાંથી જ બે લાખ ટનની વધારાની ખરીદી કરવાની રજૂઆત કરી છે.

સારા ચોમાસા સાથે ૨૦૨૧-’૨૨માં કાંદાનું ઉત્પાદન ૧૩૬.૭૦ લાખ ટન સુધી પહોંચવાની અપેક્ષા છે, જે અગાઉની સીઝન કરતાં ૨૦ લાખ ટન વધુ છે, એમ નિવેદનમાં જણાવાયું છે. એકંદરે બજાર ભાવમાં ધરખમ ઘટાડો થયો છે. આના કારણે કાંદાના ઉત્પાદકોમાં નિરાશા અને બેચેનીનું વાતાવરણ છે એમ સરકારે જણાવ્યું હતું.

કાંદાના ભાવ અત્યારે ૨૦ કિલોના ૫૦થી ૨૫૦ રૂપિયા વચ્ચે ચાલી રહ્યા છે. તાજેતરમાં પડેલા વરસાદથી પણ સ્ટૉકના માલને નુકસાન પહોંચ્યું છે, જેને પગલે સરેરાશ કાંદાની બજારમાં ભાવ નીચા ક્વોટ થઈ રહ્યા છે. સાઉથના નવા પાકની આવકો પણ શરૂ થઈ ગઈ હોવાથી બજારમાં સુધારો થવાના ચાન્સ નથી.

20 September, 2022 04:42 PM IST | Mumbai | Gujarati Mid-day Correspondent

અન્ય લેખો

અનિલ અંબાણીને મોટી રાહત, બોમ્બે HCએ આ કેસમાં કાર્યવાહી ન કરવાનો આપ્યો આદેશ

બોમ્બે હાઈકોર્ટે સોમવારે આવકવેરા વિભાગને બ્લેક મની એક્ટ હેઠળ રિલાયન્સ ગ્રુપના ચેરમેન અનિલ અંબાણીની વિરુદ્ધ કાર્યવાહી કરવાની માગ કરતી કારણ બતાવો નોટિસ પર 17 નવેમ્બર સુધી કોઈ જબરદસ્તી કાર્યવાહી ન કરવા નિર્દેશ આપ્યો હતો

26 September, 2022 05:23 IST | Mumbai | Gujarati Mid-day Online Correspondent

નવ દિવસમાં દેવીનાં નવ સ્વરૂપ પાસેથી શીખવાના બોધપાઠ

નવરાત્રિમાં નાણાકીય બાબતોની નવી જાણકારી સાથે આગળ વધીને દશેરાનું શુભમુહૂર્ત ઊજવાય એવી શુભકામના. 

26 September, 2022 04:40 IST | Mumbai | Khyati Mashru Vasani

ઇન્ટરનૅશનલ માર્કેટમાં સોનાના ભાવ તળિયે : રૂપિયો ગગડતાં ભારતમાં ભાવઘટાડો ઓછો

દશેરા, ધનતેરસ, દિવાળીના તહેવારો અને નવેમ્બરથી જુલાઈ સુધીની લગ્નની સીઝનમાં સોનું ધૂમ ખરીદાશે ઃ સોનું ઘટીને ૪૮,૫૦૦થી ૪૯,૦૦૦ રૂપિયા થયા બાદ ફરી ૫૫,૦૦૦થી ૬૦,૦૦૦ થવાની આગાહી

26 September, 2022 04:34 IST | Mumbai | Mayur Mehta

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK