° °

આજનું ઇ-પેપર
Monday, 25 October, 2021


એલઆઇસીની બે કરોડની હોમ લોનનું વ્યાજ ૬.૬૬ ટકા

24 September, 2021 11:10 AM IST | Mumbai | Gujarati Mid-day Correspondent

આ દર ૨૨ સપ્ટેમ્બરથી ૩૦ નવેમ્બર, ૨૦૨૧ સુધી મંજૂર કરાયેલી લોન માટે ઉપલબ્ધ છે

પ્રતીકાત્મક તસવીર

પ્રતીકાત્મક તસવીર

હોમ લોન માટેની અગ્રણી કંપની એલઆઇસી હાઉસિંગ ફાઇનૅન્સ લિમિટેડે (એલઆઇસી એચએફએલ) ગુરુવારે હોમ લોન માટે બે કરોડ રૂપિયા સુધીની લોન માટેનો તેનો અત્યાર સુધીનો સૌથી નીચો દર નક્કી કર્યો છે. આ દર ૬.૬૬ ટકા રાખવામાં આવ્યો છે.

આ વર્ષે જુલાઈમાં તેણે નવા દેવાદારોને ૫૦ લાખ રૂપિયા સુધીની રકમ માટે ૬.૬૬ ટકાના વ્યાજદરે હોમ લોન આપવાની જાહેરાત કરી હતી.

ગુરુવારે જાહેર કરાયેલી નવી ઑફર ૭૦૦ અને એથી વધુના સિબિલ સ્કોર ધરાવતા તમામ દેવાદારો માટે ઉપલબ્ધ રહેશે, પછી ભલે તેઓ પગારદાર હોય કે વ્યવસાયી કે સ્વયં રોજગાર કરનાર વ્યક્તિ હોય.

આ દર ૨૨ સપ્ટેમ્બરથી ૩૦ નવેમ્બર, ૨૦૨૧ સુધી મંજૂર કરાયેલી લોન માટે ઉપલબ્ધ છે. જોકે, એનું પ્રથમ વિતરણ (ડિસ્બર્સમેન્ટ) ૩૧ ડિસેમ્બર, ૨૦૨૧ના ​​રોજ અથવા એ પહેલાં મેળવવામાં આવ્યું હોવું જરૂરી છે.

કંપનીના મૅનેજિંગ ડિરેક્ટર અને સીઈઓ વાય. વિશ્વનાથ ગૌડે જણાવ્યું હતું કે ‘૧ જુલાઈ ૨૦૨૧થી ૫૦ લાખ રૂપિયા સુધીની હોમ લોન પર ૬.૬૬ ટકા ઑફર કરવામાં કંપની અગ્રેસર હતી અને હવે તેણે બે કરોડ રૂપિયા સુધીની લોન માટે સમાન દર રાખ્યો છે. આ પગલા દ્વારા વધુ લોકો સુધી પહોંચવાનો પ્રયાસ કરવામાં આવ્યો છે.

કંપનીએ પ્રોસેસિંગ ફી પણ મહત્તમ ૧૦,૦૦૦ રૂપિયા અથવા લોનની રકમના ૦.૨૫ ટકા એ બન્નેમાંથી જે રકમ વધારે હોય એ રાખી છે.

24 September, 2021 11:10 AM IST | Mumbai | Gujarati Mid-day Correspondent

અન્ય લેખો

ઘરના વિસ્તરણ માટે અને નાનું વેચીને મોટું ઘર લેવા માટે કયા પ્રકારની લોન મળી શકે?

જેમની પાસે બંગલો અથવા વિલા છે, તેઓ વર્ક ફ્રોમ હોમ માટેની વ્યવસ્થા કરવા વધારાનો શયનખંડ અથવા સ્ટડી રૂમ કે બીજા રૂમ બનાવી શકે છે.

23 October, 2021 02:53 IST | Mumbai | Gujarati Mid-day Correspondent

મર્સિડીઝ-બેન્ઝ ભારતમાં ગ્રાહકોને પ્રત્યક્ષ ડિલિવરી આપશે

ગ્રાહકોને બિલ પણ કંપની પાસેથી જ મળશે. 

23 October, 2021 02:47 IST | Mumbai | Gujarati Mid-day Correspondent

ભારતમાં રિયલ્ટી ક્ષેત્રનું મૂલ્ય જીડીપીના ૧૮થી ૨૦ ટકા થશે

વેપાર-ઉદ્યોગ સંગઠન સીઆઇઆઇના એક કાર્યક્રમમાં વર્ચ્યુઅલી તેમણે કહ્યું હતું કે ગત ૧૮ મહિના ભારત માટે પડકારરૂપ બન્યા છે.

23 October, 2021 02:38 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK