ઘઉંની એમએસપીથી થતી ખરીદી લક્ષ્યાંકના 80 ટકા પૂરી

સરકારી એજન્સીઓએ દેશમાંથી ૩૩૮ લાખ ટન ઘઉંની ખરીદી કરી

પ્રતીકાત્મક તસવીર

દેશમાં ઘઉંની સરકારી ખરીદીમાં આ વર્ષે બહુ મોટો વધારો થયો છે અને દેશમાં લૉકડાઉન જેવી સ્થિતિ અનેક રાજ્યોમાં હોવાથી ખેડૂતો મોટા ભાગના ઘઉં સરકારની એજન્સીઓને જ એમએસપી (મિનિમમ સપોર્ટ પ્રાઇસ)થી આપી રહ્યા છે, જેને પગલે દેશની કુલ ખરીદીના ૮૦ ટકા ખરીદી પૂરી થઈ ગઈ છે, જ્યારે ઘઉંની ખરીદીનો સમય હજી દોઢ મહિના જેવો બાકી છે.

ફૂડ કૉર્પોરેશન ઑફ ઇન્ડિયાના ચૅરમૅન અતીશ ચંદ્રાએ જણાવ્યું હતું કે ઘઉંની કુલ ખરીદી ૩૩૭ લાખ ટનની થઈ છે, જે ગત વર્ષે ૨૮૦ લાખ ટનની થઈ હતી. સરકારનો કુલ ૪૨૭ લાખ ટનનો લક્ષ્યાંક છે જેની તુલનાએ ૮૦ ટકા ખરીદી પૂર્ણ થઈ ચૂકી છે. ઘઉંની ખરીદી પેટે ખેડૂતોને કુલ ૪૯,૯૬૫ કરોડ રૂપિયા ચૂકવવાના છે, જેની તુલનાએ ૩૫,૦૦૦ કરોડ રૂપિયાની ચુકવણી પૂર્ણ થઈ ચૂકી છે. આશરે ૩૪ લાખ ખેડૂતોએ આ યોજનાનો લાભ લીધો છે, જે ગત વર્ષે ૨૮.૧ લાખ ખેડૂતોએ લીધો હતો.

ADVERTISEMENT

દેશમાં ઘઉંની ખરીદી પેટે જે કુલ રકમ ચૂકવવાની છે, જેમાંથી ૬૬ ટકા માત્ર અને પંજાબના ખેડૂતો છે, આમ ઘઉંની એમએસપીથી ખરીદીનો સૌથી મોટો લાભ માત્ર આ બે રાજ્યોના ખેડૂતોને જ મળ્યો છે.