Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > બિઝનેસ સમાચાર > વૈશ્વિક ખાંડમાં મંદી : કાચી ખાંડનો વાયદો બે માસના તળિયે

વૈશ્વિક ખાંડમાં મંદી : કાચી ખાંડનો વાયદો બે માસના તળિયે

19 June, 2021 12:47 PM IST | Mumbai
Gujarati Mid-day Correspondent | feedbackgmd@mid-day.com

વૈશ્વિક ભાવ બહુ તૂટશે તો ભારતીય નિકાસને અસર પહોંચશે

વૈશ્વિક ખાંડમાં મંદી : કાચી ખાંડનો વાયદો બે માસના તળિયે

વૈશ્વિક ખાંડમાં મંદી : કાચી ખાંડનો વાયદો બે માસના તળિયે


વૈશ્વિક ખાંડ બજારમાં મંદીનો માહોલ જોવા મળી રહ્યો છે. અમેરિકન ફેડરલ રિઝર્વ બૅન્કે વ્યાજદરમાં વધારો કરવાના સંકેત આપતા ડૉલર ઈન્ડેક્સ સુધરતા તમામ કૉમોડિટીમાં ઘટાડો આવ્યો હતો, જેને પગલે ખાંડના ભાવ પણ ઘટીને બે મહિનાના તળિયે પહોંચી ગયા હતા.
આઇસીઈ ખાતે કાચી ખાંડનો જુલાઈ વાયદો ત્રણ ટકા તૂટીને ૧૬.૫૫ સેન્ટ પર પહોંચ્યો હતો, જે ૨૦ એપ્રિલ બાદની સૌથી નીચી સપાટી હતી. લંડન ખાતે સફેદ ખાંડનો વાયદો પણ ૧૨ ડૉલર ઘટીને ૪૨૫ ડૉલર પ્રતિ ટનની સપાટી પર પહોંચ્યો હતો, જે પણ બે માસની નીચી સપાટી બતાવે છે.
ખાંડનાં ભાવમાં આગળ ઉપર ભાવ હજી થોડા ઘટી શકે છે, પરંતુ તેનો મોટો આધાર ડૉલર ઇન્ડેક્સની મુવમેન્ટ પર છે. એનલિસ્ટો માને છે કે ફેડે વ્યાજદર વધારાની જાહેરાત કરી છે પરંતુ હજી તેને ૧૮ મહિનાની વાર છે, પરિણામે ટૂંકા ગાળામાં બજાર તેને કઈ રીતે જોવે છે તેના પર કૉમોડિટીની આગામી ચાલનો આધાર રહેલો છે.
વૈશ્વિક ખાંડના ભાવ જો વધુ ઘટશે તો ભારતીય નિકાસ વેપારને પણ અસર પહોંચી શકે છે. હાલના તબક્કે ભારતીય શુગર મિલોને સબસિડી વગર પણ નિકાસમાં પેરિટી બેસે છે, જો ખાંડના ભાવ બહુ ઘટી જાય તો નિકાસ વેપાર અટકી શકે છે. ઇન્ડિયન શુગર મિલ્સ અસોસિએશને હજી ગઈ કાલે જ દેશમાંથી ક્વૉટા ઉપરાંતની વધારાની ૧૦ લાખ ટન મળીને કુલ ૭૦ લાખ ટન ખાંડની નિકાસ થવાનો અંદાજ મૂક્યો છે.


Whatsapp-channel Whatsapp-channel

19 June, 2021 12:47 PM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK