° °

આજનું ઇ-પેપર
Tuesday, 09 August, 2022


ક્રૂડ, ડીઝલ અને એવિયેશન ફ્યુઅલના નિકાસ ટૅક્સની પખવાડિયે સમીક્ષા થશેઃ નાણાપ્રધાન

02 July, 2022 01:40 PM IST | Mumbai
Gujarati Mid-day Correspondent | feedbackgmd@mid-day.com

જુલાઈથી પેટ્રોલ-એવિયેશન ફ્યુઅલ લિટરે છ રૂપિયા અને ડીઝલમાં ૧૩ રૂપિયા નિકાસ ટૅક્સ

નિર્મલા સીતારમણ

નિર્મલા સીતારમણ

નાણાપ્રધાન નિર્મલા સીતારમણે શુક્રવારે જણાવ્યું હતું કે સરકાર આંતરરાષ્ટ્રીય કિંમતોના આધારે ક્રૂડ, ડીઝલ અને એવિયેશન ટર્બાઇન ફ્યુઅલ પર લાદવામાં આવતા નવા કરની દર પખવાડિયે સમીક્ષા કરશે. સરકારે શુક્રવારે પેટ્રોલ, ડીઝલ અને જેટ ઇંધણ (એટીએફ) પર નિકાસ કર લાદ્યો હતો, જ્યારે સ્થાનિક સ્તરે ઉત્પાદિત ક્રૂડ ઑઇલ પર વિન્ડફૉલ ટૅક્સ લાદવામાં યુકે જેવા દેશોમાં પણ જોડાયું હતુ.

પહેલી જુલાઈથી પેટ્રોલ અને એટીએફની નિકાસ પર છ રૂપિયા પ્રતિ લિટર ટૅક્સ અને ડીઝલની નિકાસ પર ૧૩ રૂપિયા પ્રતિ લિટર ટૅક્સ લાગુ થશે.

તેમણે કહ્યું કે આ ‘અસાધારણ સમય’ છે અને તેલની કિંમતો આંતરરાષ્ટ્રીય સ્તરે બેલગામ છે. અમે નિકાસને નિરાશ કરવા માગતા નથી, પરંતુ સ્થાનિક પુરવઠામાં વધારો કરવા માગીએ છીએ.  જો ક્રૂડતેલ ઉપલબ્ધ નથી અને નિકાસ આવા અસાધારણ નફા પર થઈ રહી છે, તો આપણે ઓછામાં ઓછા તેમાંથી કેટલુંક આપણા પોતાના નાગરિકો માટે રાખવું જરૂરી છે.

સરકારે ઇંધણની નિકાસ ઉપર નિયંત્રણો લાદ્યાં

સરકારે નિકાસકારોને સ્થાનિક બજારમાં ચોક્કસ માત્રામાં સપ્લાય કરવા નિર્દેશ આપીને પેટ્રોલ અને ડીઝલ પર નિકાસ નિયંત્રણો લાદ્યાં છે, જેનો હેતુ દેશની અંદર પર્યાપ્ત ઉપલબ્ધતા સુનિશ્ચિત કરવાનો છે. ડાયરેક્ટોરેટ જનરલ ઑફ ફૉરેન ટ્રેડની સૂચના અનુસાર પેટ્રોલ નિકાસકારે નિકાસ સમયે સંબંધિત કસ્ટમ્સ ઑથોરિટીને સ્વઘોષણા સબમિટ કરવી જરૂરી છે જે પુષ્ટિ કરે છે કે ૫૦ ટકા જથ્થામાં ઉલ્લેખિત છે. ગૅસ ઑઇલ અથવા ઑટોમોટિવ ડીઝલ નિકાસકારો માટે, જથ્થો ૩૦ ટકા નક્કી કરવામાં આવ્યો છે. જોકે, ભૂટાન અને નેપાળમાં નિકાસને આ શરતમાંથી મુક્તિ આપવામાં આવી છે

02 July, 2022 01:40 PM IST | Mumbai | Gujarati Mid-day Correspondent

અન્ય લેખો

કાપડબજારમાં અનેક તડકી-છાંયડી બાદ તહેવારોની ઘરાકીની ઊજળી આશાને કારણે વધતો વિશ્વાસ

કોરોનાને લીધે બે વર્ષ બાદ ખૂલેલી સ્કૂલોને કારણે યુનિફૉર્મની જબરદસ્ત ડિમાન્ડનો બૂસ્ટર ડોઝ મળ્યો : અમેરિકા-ચીન વચ્ચે તાઇવાન બાબતે તનાવ વધતાં ભારતીય કાપડ આઇટમોની નિકાસ વધવાની ઊજળી આશા

08 August, 2022 05:29 IST | Mumbai | Mayur Mehta

નિવૃત્તિકાળ માટેના આયોજનમાં તમારો કેટલો સહયોગ જરૂરી હોય છે?

જેમણે અત્યાર સુધી કોઈ નાણાકીય આયોજન કર્યું ન હોય એવા લોકો માટે પ્રશ્ન વધારે પેચીદો બની જાય છે

08 August, 2022 05:27 IST | Mumbai | Khyati Mashru Vasani

રિઝર્વ બૅન્ક દ્વારા કરાયેલા ત્રીજી વારના વધારા પછી રેપો રેટ ત્રણ વર્ષની ઊંચે

ભાવવધારો ન રોકાય તો એની અસર ટૂંકા ગાળાના આર્થિક વિકાસના દર પર થઈ શકે અને એની ગાડી ડીરેલ થઈ શકે

08 August, 2022 05:25 IST | Mumbai | Jitendra Sanghvi

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK