° °

આજનું ઇ-પેપર
Wednesday, 26 January, 2022


ઑડિટેડ રિપોર્ટ અને આવકવેરાનાં રિટર્ન ભરવાની છેલ્લી તારીખ લંબાવાઈ

12 January, 2022 02:01 PM IST | Mumbai | Gujarati Mid-day Correspondent

સેન્ટ્રલ બોર્ડ ઑફ ડિરેક્ટ ટૅક્સિસે (સીબીડીટી) મંગળવારે જાહેર કર્યા મુજબ જે કરદાતાઓએ ઑડિટ કરાવવું પડે એમના માટેની ટૅક્સ ઑડિટ રિપોર્ટ અને આવકવેરા રિટર્ન ભરવાની તારીખો લંબાવવામાં આવી છે. 

પ્રતીકાત્મક તસવીર

પ્રતીકાત્મક તસવીર

સરકારે આવકવેરા ખાતાના નવા પોર્ટલનું ઉદઘાટન કોણ જાણે કયા મુહૂર્તમાં કર્યું હોવાથી એના કામકાજનાં ઠેકાણાં હજી પડ્યાં નથી અને ફરી એક વાર આવકવેરા રિટર્ન ભરવાની તારીખ લંબાવવી પડી છે!
સેન્ટ્રલ બોર્ડ ઑફ ડિરેક્ટ ટૅક્સિસે (સીબીડીટી) મંગળવારે જાહેર કર્યા મુજબ જે કરદાતાઓએ ઑડિટ કરાવવું પડે એમના માટેની ટૅક્સ ઑડિટ રિપોર્ટ અને આવકવેરા રિટર્ન ભરવાની તારીખો લંબાવવામાં આવી છે. 
સીબીડીટીની અખબારી યાદી મુજબ આવકવેરા કાયદાની કોઈ પણ જોગવાઈ હેઠળ નાણાકીય વર્ષ ૨૦૨૦-૨૧ માટેનો ઑડિટ રિપોર્ટ નોંધાવવાની છેલ્લી તારીખ હવે ૧૫ ફેબ્રુઆરી, ૨૦૨૨ સુધી લંબાવવામાં આવી છે. આ જ રીતે એસેસમેન્ટ વર્ષ ૨૦૨૧-૨૨ માટેનું આવકવેરાનું રિટર્ન ભરવાની છેલ્લી તારીખ લંબાવીને ૧૫ માર્ચ, ૨૦૨૨ કરવામાં આવી છે. આ તારીખ ત્રીજી વખત લંબાવવામાં આવી છે. આની પહેલાંની છેલ્લી તારીખ ૩૧ ડિસેમ્બર, ૨૦૨૧ હતી. 
ઑડિટ રિપોર્ટ અને આવકવેરાનું રિટર્ન ભરવાની છેલ્લી તારીખ લંબાવવા વિશે સરકાર સમક્ષ અનેક રજૂઆતો થયા બાદ ઉક્ત નિર્ણય લેવામાં આવ્યો છે. 
સરકારે જણાવ્યા મુજબ કરદાતાઓએ રજૂ કરેલી મુશ્કેલીઓ તથા કોવિડની વર્તમાન પરિસ્થિતિને અનુલક્ષીને અને લોકોને ઑડિટના અલગ-અલગ રિપોર્ટ ઈલેક્ટ્રોનિકલી ભરવામાં નડેલી તકલીફોને પગલે સીબીડીટીએ છેલ્લી તારીખો લંબાવવાનો નિર્ણય લીધો છે.
અહીં ખાસ જણાવવાનું કે જેમનાં અકાઉન્ટ્સનું ઑડિટ કરાવવું પડતું નથી એવા વ્યક્તિગત કરદાતાઓ માટે આઇટીઆર-વન, આઇટીઆર-ટૂ અને આઇટીઆર-ફોર મારફતે રિટર્ન ભરવાની છેલ્લી તારીખ ગત ૩૧ ડિસેમ્બરે પૂરી થઈ ચૂકી છે.

12 January, 2022 02:01 PM IST | Mumbai | Gujarati Mid-day Correspondent

અન્ય લેખો

શેરબજાર ખૂલતાની સાથે જ ગબડી પડ્યું, સેન્સેક્સ 1000 પોઈન્ટથી વધુ તૂટ્યો

બાદમાં બજારની સ્થિતિમાં થોડો સુધારો જોવા મળ્યો હતો.

25 January, 2022 01:31 IST | Mumbai | Gujarati Mid-day Online Correspondent

News In Short: સ્વિગી બની ગઈ ડેકાકૉર્ન : ભેગું કર્યું ૭૦૦ મિલ્યન ડૉલરનું ભંડોળ

આમ આ કંપની હવે ડેકાકૉર્ન (જેનું મૂલ્ય ૧૦ અબજ ડૉલરથી વધારે હોય એવી કંપની) બની ગઈ છે. 

25 January, 2022 12:33 IST | Mumbai | Gujarati Mid-day Correspondent

ફેડરલ રિઝર્વની આગામી બેઠકે બન્ને માર્કેટમાં અજંપો વધાર્યો

ટેલિગ્રામના સ્થાપકે ક્રિપ્ટો પર પ્રતિબંધના રશિયાના પ્રસ્તાવનો વિરોધ કર્યો : આઇસી૧૫ ઇન્ડેક્સમાં ૮.૬ ટકા કરતાં વધુનો ઘટાડો

25 January, 2022 12:18 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK