° °

આજનું ઇ-પેપર
Monday, 06 December, 2021


ક્રિપ્ટોકરન્સીમાં કડાકો બોલાયો, સરકાર નિયમન માટે લાવી રહી છે આ બિલ

24 November, 2021 01:07 PM IST | Mumbai | Gujarati Mid-day Online Correspondent

બુધવારે ભારતીય એક્સચેન્જો પર ક્રિપ્ટોકરન્સીમાં જોરદાર ઘટાડો જોવા મળ્યો હતો.

પ્રતીકાત્મક તસવીર. ફોટો/આઈસ્ટોક

પ્રતીકાત્મક તસવીર. ફોટો/આઈસ્ટોક

ભારત સરકાર ક્રિપ્ટોકરન્સી પર કડક હાથે કાર્યવાહી કરવાની તૈયારી કરી રહી છે. તમામ ખાનગી ક્રિપ્ટોકરન્સી પર પ્રતિબંધ મૂકી શકાય છે. સરકાર સંસદના શિયાળુ સત્રમાં આ અંગે બિલ લાવે ટેવઉઈ શક્યતા છે. આવા સમાચાર આવતાની સાથે જ તમામ મુખ્ય ક્રિપ્ટોકરન્સી મંગળવારે ડૂબી ગઈ હતી. મોટા ભાગની ક્રિપ્ટો કરન્સીમાં 15 ટકાથી વધુનો ઘટાડો જોવા મળ્યો હતો.

આ સમાચાર પછી મંગળવારે બિટકોઈનમાં લગભગ 15 ટકા, ઈથેરિયમમાં 12 ટકા, ટેથરમાં લગભગ 6 ટકા અને USD કોઈનમાં લગભગ 8 ટકાનો ઘટાડો નોંધાયો હતો. ભારતમાં, બિટકોઈનની કિંમત 15 ટકા ઘટીને રૂા. 40,28,000, ઈથેરિયમ રૂા. 3,05,114, ટેથર રૂા. 76 આસપાસ, કાર્ડનોની કિંમત રૂ. 137ની આસપાસ રહી હતી.

આ પછી, આજે એટલે કે બુધવારે પણ ભારતીય એક્સચેન્જો પર ક્રિપ્ટોકરન્સીમાં જોરદાર ઘટાડો જોવા મળ્યો હતો. બુધવારે સવારે લગભગ 10.20 વાગ્યે wazirx.com પર, બિટકોઇન લગભગ 11 ટકા ઘટીને રૂા. 40,40,402, શિબા ઇનુ (SHIB) લગભગ 17 ટકા ઘટીને રૂ. 0.002900 પર, ટેથર (USDT) લગભગ 12 ટકા ઘટીને રૂા. 70.50ના ઘટાડા સાથે, ઇથેરિયમ લગભગ 9 ટકા ઘટીને રૂા. 3,03,849 પર અને ડોજકોઇન લગભગ 11 ટકા ઘટીને રૂા. 15.83 પર ટ્રેડ થઈ રહ્યો હતો.

તમામ ક્રિપ્ટોકરન્સી પર પ્રતિબંધ મૂકવા માટે, સરકાર સંસદના શિયાળુ સત્રમાં ‘ધ ક્રિપ્ટોકરન્સી એન્ડ રેગ્યુલેશન ઑફ ઑફિશિયલ ડિજિટલ કરન્સી બિલ, 2021’ લાવવાની તૈયારી કરી રહી છે.

ક્રિપ્ટોકરન્સી ટેક્નોલોજીના ઉપયોગમાં રાહત આપવા માટે, સરકાર આ બિલમાં ભારતીય રિઝર્વ બેન્ક (RBI) વતી સરકારી ડિજિટલ કરન્સી ચલાવવા માટેના માળખા માટે જોગવાઈ કરશે. સરકાર દ્વારા લોકસભાના બુલેટિનમાં આ બિલની માહિતી આપવામાં આવી છે. નોંધનીય છે કે નાણાં પરની સંસદીય સમિતિમાં ક્રિપ્ટોકરન્સી વિશે ચર્ચા થઈ હતી, જેમાં પ્રતિબંધને બદલે નિયમનનું સૂચન કરવામાં આવ્યું હતું.

નોંધપાત્ર રીતે, દેશમાં મોટી સંખ્યામાં લોકો ક્રિપ્ટોકરન્સીમાં રોકાણ કરી રહ્યા છે. આ કરન્સીમાં ઘણી વધઘટ થાય છે. તેઓ ક્યાંથી શરૂ કરી રહ્યા છે અને ક્યાંથી કામ કરી રહ્યા છે. તેની કોઈ જાણ નથી. આવી સ્થિતિમાં, સરકારે તેના વિશે નિર્ણય લેવાનું વિચાર્યું છે, જે એક સારું પગલું માનવામાં આવે છે.

24 November, 2021 01:07 PM IST | Mumbai | Gujarati Mid-day Online Correspondent

અન્ય લેખો

યુવા ઉદ્યમીઓને કારણે ભારતનું ભાવિ ઉજ્જવળ છે : માસાયોશી સોન

તેમણે જણાવ્યામુજબ આ વર્ષે એમના સોફ્ટબૅન્ક ગ્રુપે ભારતમાં ત્રણ અબજ ડૉલરનું રોકાણ કર્યું છે

04 December, 2021 11:59 IST | Mumbai | Gujarati Mid-day Correspondent

ભારતમાં જૂની કારના ખરીદદારોમાં યુવાનો સૌથી વધારે છે : કાર્સ-૨૪ના અભ્યાસનું તારણ

ની કારના ખરીદદારોમાં યુવાનોનું પ્રમાણ ૮૦ ટકા છે

04 December, 2021 11:54 IST | Mumbai | Gujarati Mid-day Correspondent

મુકેશ અંબાણીએ ડેટા પ્રાઇવસી અને ક્રિપ્ટોકરન્સીના ખરડાને આપ્યું સમર્થન

ભારતનો ડેટા ભારતમાં જ રહેવો જોઈએ અને એના સંગ્રહ તથા ઉપયોગની બાબતે દેશની અંદર જ કડક નિયમ ઘડવામાં આવવા જોઈએ એવો અંબાણીનો મત રહ્યો છે

04 December, 2021 11:52 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK