ઇન્દ્રિયમાં ઢીલાશ આવી ગઈ છે વાયેગ્રા લઈ શકાય?

મારી ઉંમર ૬૪ વર્ષની છે. છેલ્લાં થોડાં વરસોથી મારી ઇન્દ્રિયમાં કમજોરી આવી ગઈ છે, સાવ ઢીલાપણું આવી ગયું છે અને ડાબી બાજુ વળી ગઈ છે.


(સેક્સ-સંવાદ - ડૉ. રવિ કોઠારી)

સવાલ : મારી ઉંમર ૬૪ વર્ષની છે. છેલ્લાં થોડાં વરસોથી મારી ઇન્દ્રિયમાં કમજોરી આવી ગઈ છે, સાવ ઢીલાપણું આવી ગયું છે અને ડાબી બાજુ વળી ગઈ છે. સેક્સની ઇચ્છા તો ઘણી થાય છે, પણ બરાબર કડકપણું ન આવવાથી યોનિપ્રવેશ શક્ય નથી બનતો. પત્ની હજીયે ઘણી સપોર્ટિવ છે. તે તલના તેલની માલિશ કરી આપે છે. જોકે તેનો સ્પર્શ થતો હોય ત્યાં સુધી થોડુંક કડકપણું આવે છે, પણ એ યોનિપ્રવેશ શક્ય બને એટલું નથી હોતું. આયુર્વેદિક દવા લઉં છું, પણ ઉત્થાનમાં ફરક નથી. ઉત્થાન બરાબર ન થતાં સમાગમ પહેલાં વાયેગ્રા લેવાનો પ્રયોગ કરેલો, પણ થયું નહીં. છેક વહેલી સવારે ઇરેક્શન આવ્યું. મારે જાણવું છે કે વાયેગ્રા ક્યારે લઈએ તો યોગ્ય સમયે અસર થાય. શું હું સારી રીતે સેક્સ માણી શકું એવી કોઈ શક્યતા ખરી?

જવાબ :
ચોક્કસપણે તમે સારી રીતે સેક્સ માણી શકશો; કેમ કે કામેચ્છા, ઇન્દ્રિયમાં ઉત્તેજના, યોનિપ્રવેશ અને ચરમસીમા એમ પુરુષની કામપ્રક્રિયાના આ ચાર તબક્કામાંથી તમારામાં કામેચ્છા અને ચરમસીમા વખતે આનંદ યથાવત્ છે. ઇન્દ્રિયમાં જરૂરી માત્રામાં ઉત્તેજનાનો અભાવ તમારી સમસ્યા છે. આ માટે વાયેગ્રાનો ઑપ્શન બેસ્ટ છે. એ માટે સમાગમના એક કલાક પહેલાં દેશી વાયેગ્રા (કૅવર્ટા-રૅનબૅક્સી, પેનિગ્રા-કૅડિલા, એડિગ્રા-સન ફાર્મા)ની ૫૦ મિલીગ્રામની ગોળી લેશો તો ઇન્દ્રિયના કડકપણામાં નોંધપાત્ર વધારો થશે અને તમે સફળતાપૂર્વક યોનિપ્રવેશ કરી શકશો.

ગોળી ભૂખ્યા પેટે લેશો તો એનું શોષણ બરાબર થશે અને એની અસર બરાબર થશે. ધારો કે તમે સાડાનવ વાગ્યે જમતા હો અને સમાગમ અગિયાર વાગ્યે કરતા હો તો તમે દેશી વાયેગ્રાની ગોળી સાડાઆઠ વાગ્યે લઈ લો તો પણ ચાલે, કારણ કે એ વખતે પેટ ખાલી હશે. બીજું, જમ્યા પછી ગોળી લેવી હોય તો દોઢથી બે કલાક પછી લઈ શકો છો. ખોરાકને આંતરડામાં જતાં દોઢથી બે કલાક જેટલો સમય લાગતો હોય છે. દેશી વાયેગ્રાની અસર છ કલાક સુધી રહે છે. આ ગોળી હંમેશાં તમારા ફૅમિલી-ડૉક્ટરની સલાહ હેઠળ જ લેવી.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy