ઇમરાનનું જન્નત ધરાશાયી?

તે હવે સ્ટાર સ્ટેટસ ધરાવતો હોવાથી ફિલ્મમેકર મહેશ-મુકેશ ભટ્ટ કુણાલ ખેમુ જેવા યુવાન કલાકારો પર ધ્યાન આપવા માગે છે

emran-baheshઇમરાન હાશ્મીને બૉલીવુડમાં આવવાની તક ફિલ્મમેકર મહેશ ભટ્ટે આપી હતી અને અત્યાર સુધીની ઇમરાન સાથેની તેમની દરેક ફિલ્મ સફળ રહી છે, પણ હવે તેઓ ઇમરાનને લઈને ફિલ્મ નહીં બનાવે. મહેશ ભટ્ટને લાગે છે કે બૉલીવુડમાં ઇમરાનનું સ્થાન હવે સુરક્ષિત છે એટલે હવે તેઓ કુણાલ ખેમુ જેવા કાર્યક્ષમ ઍક્ટરો પર ધ્યાન કેન્દ્રિત કરવા માગે છે. ૨૦૦૩માં મહેશ ભટ્ટની ફિલ્મ ‘ફૂટપાથ’થી ઇમરાન હાશ્મીને બૉલીવુડમાં એન્ટ્રી મળી હતી, જોકે ‘ફૂટપાથ’ના એક વર્ષ બાદ રિલીઝ થયેલી ‘મર્ડર’થી ઇમરાનને પ્રસિદ્ધિ મળી હતી. ત્યાર બાદ મહેશ ભટ્ટના બૅનર હેઠળ ઇમરાને ઘણી સફળ ફિલ્મોમાં કામ કર્યું છે.

મહેશ ભટ્ટે એક ઇન્ટરવ્યુમાં કહ્યું હતું કે ‘ફિલ્મ ‘મર્ડર ૨’ બાદ બૉલીવુડમાં ઇમરાનનું સ્થાન સુરક્ષિત થયું છે. ‘જન્નત’ની રિલીઝ સુધી ઇમરાનને કોઈ ફિલ્મમાં લેવા તૈયાર નહોતું. લોકો તેને પસંદ કરતા હતા, પણ મિડિયા તેનાથી દૂર રહેતું હતું. જોકે ‘વન્સ અપૉન અ ટાઇમ ઇન મુંબઈ’ અને ‘મર્ડર ૨’ બાદ તેને ચમત્કારિક સફળતા મળી છે. આજે ઇમરાન એક મોટો સ્ટાર છે, પણ હવે ઇમરાનને અમે છોડી દઈશું. છોડીશું નહીં તો અમે સ્ટાર સાથે કામ નથી કરતા એમ નહીં કહી શકીએ.’

મહેશ ભટ્ટ અને મુકેશ ભટ્ટે આ પહેલાં પણ અનેક નવા ચહેરાઓને તક આપી છે. ‘જિસ્મ’માં જૉન એબ્રાહમ, ‘કલયુગ’માં કુણાલ ખેમુ, ‘જન્નત’માં સોનલ ચૌહાણ, ‘ક્રૂક’માં નેહા શર્મા, ‘જિસ્મ ૨’માં સની લીઓન જેવા ઘણા નવા કલાકારોને તેમણે તક આપી છે; પણ તેમણે આ દરેક સ્ટાર સાથે વધારે કામ નથી કર્યું. ઇમરાન વિશે જણાવતાં મહેશ ભટ્ટે કહ્યું હતું કે ‘ઇમરાને બીજા ઘણા લોકો સાથે કામ કરવાનું છે, જ્યાંથી તે પૈસા કમાઈ પૈસાદાર બની શકે. તેને અમે ગોત્યો હતો, પણ એનો મતલબ એ નથી કે તેણે હંમેશાં અમારા માટે કામ કરવું પડે.’

છેલ્લા થોડા સમયથી ઇમરાન હાશ્મી અને મહેશ ભટ્ટ વચ્ચે અનેક કારણોસર મતભેદો થયા હોવાની ચર્ચાઓ ચાલી રહી છે, પણ ચર્ચાઓ વિશે જણાવતાં પ્રોડ્યુસર-ડિરેક્ટરે કહ્યું હતું કે ‘દુનિયા હંમેશાં એકસરખી નથી રહી શકતી. માણસો બદલાય છે અને બદલાવ એ જીવનનું સત્ય છે. હું અને ઇમરાન પણ હવે પહેલાં જેવા નથી રહ્યા. અમારા બન્નેમાં પણ બદલાવ થયો છે; પણ એવું નથી કે અમારી વચ્ચે કોઈ અણબનાવ થયો છે, પણ હવે ઇમરાન કરતાં કુણાલને અમારો સપોર્ટ વધારે જોઈએ છે.’

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK