મીરા-ભાઇંદરની રાજનીતિમાં વધી રહેલું ગુજરાતીઓનું વર્ચસ

મીરા-ભાઈંદર સુધરાઈમાં ધીરે-ધીરે ગુજરાતીઓનું વર્ચસ વધવા લાગ્યું છે એ ગઈ કાલે જાહેર થયેલી પ્રભાગ સમિતિના અધ્યક્ષપદની નિમણૂક પરથી પણ સ્પષ્ટ થયું છે.

જાહેર થયેલાં પરિણામોમાં ચાર પ્રભાગમાંથી બે પ્રભાગ સમિતિનાં અધ્યક્ષપદે ગુજરાતી ઉમેદવારો ચૂંટાઈ આવ્યા છે. મીરા-ભાઈંદરમાં ગુજરાતીઓની વસ્તીમાં નોંધપાત્ર વધારો જોવા મળતાં ઑગસ્ટમાં યોજાનારી સુધરાઈની આગામી ચૂંટણીમાં ગુજરાતી મતદારોના મત મહત્વપૂર્ણ સાબિત થવાના છે.

 

ગઈ કાલે મીરા-ભાઈંદર મહાનગરપાલિકાના સભાગૃહમાં ચારેય પ્રભાગ સમિતિનાં અધ્યક્ષપદની નિમણૂક કરવામાં આવી હતી. ચારેય પ્રભાગ સમિતિના અધ્યક્ષ બિનહરીફપણે ચૂંટાઈ આવ્યા છે. પ્રભાગ સમિતિ-૧ અને ૪ના અધ્યક્ષપદે ગુજરાતી ઉમેદવારો ચૂંટાઈને આવ્યા છે, જેમાં પ્રભાગ સમિતિ-૧ના અધ્યક્ષપદે રાષ્ટ્રવાદી કૉન્ગ્રેસ પાર્ટીના સમર્થનથી મહારાષ્ટ્ર નવનિર્માણ સેનાનાં સુધા વ્યાસ અને પ્રભાગ સમિતિ-૪ના અધ્યક્ષપદે કૉન્ગ્રેસના ચંદ્રકાંત મોદી ચૂંટાઈ આવ્યા છે. વિરોધ પક્ષો દ્વારા ફૉર્મ ભરવામાં આવ્યું ન હોવાથી આ બન્ને ગુજરાતીઓ પ્રભાગ સમિતિના અધ્યક્ષપદે બિનહરીફ ચૂંટાઈ આવ્યા છે. પ્રભાગ સમિતિ-૨ના અધ્યક્ષપદે બીજેપીના શરદ પાટીલ ચૂંટાઈ આવ્યા છે. તેમની સામે મહારાષ્ટ્ર નવનિર્માણ સેનાના પ્રેમનાથ પાટીલ અને રાષ્ટ્રવાદી કૉન્ગ્રેસ પાર્ટીનાં વંદના પાટીલ ઊભાં હતાં, પણ ગઈ કાલે જ બન્નેએ ઉમેદવારી પાછી ખેંચી લીધી હતી. તેમણે ઉમેદવારી પાછી ખેંચી હોવાથી શરદ પાટીલ બિનહરીફ ચૂંટાઈ આવ્યા હતા.

પ્રભાગ સમિતિ-૩ના અધ્યક્ષપદે રાષ્ટ્રવાદી કૉન્ગ્રેસનાં હેમા માળી, શિવસેનાનાં મંદાકિની ગાવંડ અને કૉન્ગ્રેસના હરિંદ્ર મ્હાત્રે ઊભા હતા, પણ હેમા માળી અને હરિંદ્ર મ્હાત્રેએ ઉમેદવારી પાછી ખેંચી લેતાં શિવસેનાનાં મંદાકિની ગાવંડ બિનહરીફપણે ચૂંટાઈ આવ્યાં હતાં.

ચૂંટાયેલા ગુજરાતી અધ્યક્ષો શું કહે છે?

પ્રભાગ સમિતિ-૪ના અધ્યક્ષપદે ચૂંટાઈ આવેલા ગુજરાતી નગરસેવક ચંદ્રકાંત મોદીએ ‘મિડ-ડે’ને કહ્યું હતું કે ‘એકાદ દિવસમાં પહેલાં બધા વૉર્ડના સંબંધિતો અને નગરસેવકોની બેઠક બોલાવીને પહેલાં મારા વિસ્તારનાં અધૂરાં કામો પૂરાં કરાવીશ તેમ જ રસ્તાનું રિપેરિંગ-વર્ક પૂરું કરાવીને લોકોની રોજની સમસ્યાઓ દૂર કરીશ. ઉપરાંત આપણા ગુજરાતી સમાજ માટે આગળ પડતી ભૂમિકા ભજવવાનો પ્રયાસ કરીશ.’

પ્રભાગ સમિતિ-૧ના અધ્યક્ષપદે ચૂંટાઈ આવેલાં ગુજરાતી નગરસેવિકા સુધા વ્યાસે કહ્યું હતું કે ‘હું બોલીને નહીં, કરીને જનતાને બતાવીશ. મારી પાસે સમય ઓછો છે એટલે જેટલો પણ સમય છે એમાં લોકોની આશાએ ખરી ઊતરીશ અને ગેરકાયદે બાંધકામ તથા આરોગ્યને લગતી સમસ્યાઓ તરફ પહેલું ધ્યાન આપીશ.’

૫૬ કટ સાથે ‘ધ ડર્ટી પિક્ચર’ના ટીવી પર પ્રસારણનો માર્ગ મોકળો

સોની એન્ટરટેઇનમેન્ટ ચૅનલ દ્વારા બૉમ્બે હાઈ ર્કોટની નાગપુર બેન્ચને ખુલાસો આપવામાં આવ્યો છે કે ટીવી-ચૅનલ પર આજે બતાવવામાં આવનારી વિદ્યા બાલનની ‘ધ ડર્ટી પિક્ચર’નું પ્રસારણ કરવામાં આવશે. ર્કોટે એમાં ૫૬ ઍડલ્ટ સીન નહીં બતાવવામાં આવે એ શરતે એના પ્રસારણની મંજૂરી આપી છે. નાગપુરના પ્રવીણ દહાતે હાઈ ર્કોટમાં જનહિતની અરજી દાખલ કરીને કહ્યું હતું કે ‘ફિલ્મ ‘ધ ડર્ટી પિકચર’માં આવતા ડાયલૉગ્સ અને સીનને કારણે ઘરમાં ફૅમિલી-મેમ્બર સાથે બેસીને જોઈ શકાય એવી ન હોવાથી એને ટીવી-ચૅનલ પરથી પ્રસારિત થતી રોકવામાં આવે.’

આજે એ ફિલ્મનું યુ/એ સર્ટિફિકેટ હેઠળ પ્રસારણ કરવામાં આવશે. કટ કરવામાં આવેલા ૫૬ સીનમાંથી ૩૬ સીન તો પ્રોડ્યુસરે જાતે સૂચવ્યા છે, જ્યારે બાકીના કટ સેન્ટ્રલ ર્બોડ ઑફ ફિલ્મ સર્ટિફિકેશને સૂચવ્યા છે. કટ બાદ હવે ફિલ્મની લંબાઈ ૧૩૬.૫૪ મિનિટની રહી છે. બૉમ્બે હાઈ ર્કોટની નાગપુર બેન્ચે ત્યાર બાદ આજે થનારા એના પ્રસારણને મંજૂરી આપી છે. જોકે સાથે તેમણે મિનિસ્ટ્રી ઑફ ઇન્ફર્મેશન ઍન્ડ બ્રૉડકાસ્ટિંગને કહ્યું હતું કે તેઓ ફિલ્મના પ્રસારણને જુએ અને એ બાબતનું ધ્યાન રાખે કે કોઈ નિયમનો ભંગ તો નથી થતોને.

Comments (0)Add Comment

Write comment
quote
bold
italicize
underline
strike
url
image
quote
quote
smile
wink
laugh
grin
angry
sad
shocked
cool
tongue
kiss
cry
smaller | bigger

security code
Write the displayed characters


busy
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK